Xəbər Agentliyinin verdiyi xəbərə əsasən, Təbrizin qəhrəman və həmişə ayıq-sayıq xalqı bu həftənin cümə namazından sonra əzəmətli aksiya keçirərək sionist rejimə nifrətini bildirməklə yanaşı bu rejimin baş nazirinin Azərbaycan Respublikasına səfərini pislədi.
Aksiya iştirakçıları üzərinə “İsrailə ölüm”, “Uşaq qatili olan rejimə ölüm”, “İsrail həya et, Azərbaycandan əl çək”, “İsrail həya et, İslam ölkələrindən get”, “Azərbaycan oyaqdı, İsrailə nifrət edir”, “Amerikaya ölüm” və digər şüarlar yazılmış plakatlar götürərək, sionist rejiminə və bu rejimin baş nazirinin müsəlman ölkəsi olan Azərbaycan Respublikasına səfərinə öz etiraz və nifrətlərini bildirdilər.
Cümə namazından dərhal sonra və Təbriz şəhərinin müsəllasının qarşısında keçirilən aksiyada etirazçılar Azərbaycan Respublikasının rəhbərlərindən istədilər ki, dünyanın hər bir yerində qəsbkar sionist rejimin məkirli planları ilə vəhşicəsinə qətlə yetirilən, qanına qəltan edilən günahsız müsəlmanların hörmətini saxlayaraq bu səfərin qarşısını alsınlar.
Diqqət: Xəbərdən istifadə etdikdə mənbəyə istinad lazımdır
