Xəbər Agentliyinin verdiyi xəbərə əsasən, Azərbaycanda tütün məmulatının və etil (yeyinti) spirtinin və alkoqollu içkilərin (şərabın, konyakın, arağın və siyahısı Azərbaycan Respublikasının Nazirlər Kabineti tərəfindən müəyyən edilən digər alkoqollu içkilərin) istehsalı, idxalı və satışı lisenziya tələb olunan fəaliyyət növlərinin siyahısından çıxarılıb.
Bu rəzalət Azərbaycana hakim kəsilmiş əliyevlər sülaləsinin hakimi İlham Əliyevin “Lisenziyalaşdırma sahəsində bəzi tədbirlər haqqında” 21 dekabr 2015-ci il tarixli fərmanı ilə təsdiq edilən “Lisenziya tələb olunan fəaliyyət növlərinin (dövlət təhlükəsizliyindən irəli gələn hallar istisna olmaqla) siyahısı və həmin fəaliyyət növlərinə lisenziya verilməsinə görə ödənilən dövlət rüsumunun məbləğləri”ndə əksini tapıb.
İndiyə qədər tütün məmulatının, etil və alkoqollu içkilərin istehsalı, idxalı və satışı üçün ayrı-ayrılıqda 5500 manat dövlət rüsumu ödənilməklə Kənd Təsərrüfatı Nazirliyindən lisenziya alınıb. Hakim sülalənin öndəri İlham Əliyevin “Lisenziyalaşdırma sahəsində bəzi tədbirlər haqqında” 21 dekabr 2015-ci il tarixli fərmanı ilə təsdiq edilən lisenziya tələb olunan fəaliyyət növlərinin siyahısında isə bu fəaliyyət növləri əksini tapmayıb.
Qeyd edək ki, İlham Əliyevin belə bir addım atması Azərbaycanda kəskin sürətdə gedən bahalaşmalara qarşı xalqın mümkün olan etirazlarının qarşısını qismən də olsa alınması üçündür. Axı nikotin və spirtə adət edib qurşanan bir xalqın fikri və zikirləri yalnız və yalnız bədənlərinin ehtiyac duyduqları nikotin və spirt ehtiyaclarının təmin edilməsi olacaqdır...
Diqqət: Xəbərdən istifadə etdikdə mənbəyə istinad lazımdır
source : abna24
