Nigeriyanın Cos şəhərində ifratçı xristianların tayfabazlıq münaqişəsi zamanı 18 müsəlman canını tapşırdı
Quran Xəbər Agentliyi : Fitr bayramının namazı qılınarkən müsəlmanların başına daş yağdırılıb və nəticədə 18 nəfər həlak olub. Bu hadisənin məsuliyyətini hələ heç bir qurum öz öhdəsinə götürməyib.
Nigeriyanın “Mirur” qəzetinin yazdığına görə, 18 nəfərin ölümü ilə nəticələnən insident barəsində ziddiyyətli fikirlər mövcuddur. Billinən odur ki, bayram namazı əsnasında bir dəstə ifratçı xristian gənc namaz qılanlara daş atmaqla onların dini şüar səsləndirmələrinə maneə yaratmaq istəyiblər. Bu da münaqişənin yaranmasına yol açıb.
Xatırladaq ki, Cos şəhəri Nigeriyanın şimalındakı müsəlman torpaqları ilə cənubdakı xristian əraziləri arasında yerləşir. Bu da münaqişələrin yaranmasına səbəb kimi göstərilir.
source : ایکنا