مقبوضہ فلسطین کے شہر بئرالسبع کی مسجد کی یہودی میوزیم میں تبدیلی

بین الاقوامی:الاقصی میراث و اوقاف انسٹی ٹیوٹ نے کہا ہےکہ صیہونی حکومت نے بئرالسبع کی مسجد کو یہودی میوزیم میں تبدیل کرنے کا اقدام کیا ہے۔

خبررساں ایجنسی شبستان کی رپورٹ کےمطابق الاقصی میراث واوقاف انسٹی ٹیوٹ نے اپنے ایک بیانیے میں کہا ہےکہ صیہونی حکومت کے حکام اوراس کی انتظامیہ نے مقبوضہ فلسطین کے جنوبی شہر بئرالسبع کی جامع مسجد کویہودی میوزیم میں تبدیل کردیا ہے۔

اس انسٹی ٹیوٹ کے بیانیے میں آیا ہے کہ یہ ایک غیرقانونی اورباطل اقدام ہے اوراس اقدام کے ذریعے صیہونی حکام نے مسجد کی بےحرمتی کی ہے کیونکہ مسجد ایک مقدس مکان اوراسلامی وقف ہے اوراسے کسی دلیل کی بنا پرتبدیل نہیں کیا جاسکتا ہے۔

اس بیانیے میں مزید آیا ہےکہ الاقصی انسٹی ٹیوٹ کے ایک وفد نے بئرالسبع کی جامع مسجد کا وزٹ کیا ہے تاکہ اس مسجد کے بارے صیہونی میونسپل کمیٹی کے اقدامات کا جائزہ لیا جاسکے اورانہوں نے اس مسجد میں نماز قائم کی ہے اورانہوں نے اس مسجد کے تقدس کوحفظ کرنے کی ضرورت پرزوردیتے ہوئے کہا ہےکہ اس مسجد کومیوزیم اورمقبرہ میں تبدیل نہیں کرنا چاہیے۔

الاسلام الیوم کی رپورٹ کے مطابق الاقصی انسٹی ٹیوٹ کے قائم مقام سامی رزق اللہ ابومخ نے کہا ہےکہ صیہونی حکام نے ایک اورقبیح اقدام کرتے ہوئے اس مسجد کے وسط میں ایک بہت بڑا ٹی وی نصب کیا ہے جس پرشراب خواری وڈانس اوردیگرفحش مناظرکودکھایا جارہا ہے۔