حرم نبوی (ص) میں کیمرے والے موبائل لے جانے کی ممانعت

بین الاقوامی: مسجد نبوی (ص) میں تعلقات عامہ کے انچارج نے کہا ہے کہ سیکیورٹی مسائل کی وجہ سے مسجد نبوی (ص) میں جانے والی خواتین کیمرے والے موبائل یا صرف کیمرے اپنے ھمراہ نہیں لے جاسکتیں۔

خبر رساں ایجنسی شبستان کی رپورٹ کے مطابق مسجدی نبوی (ص) میں تعلقات عامہ کے انچارج نے مسجد نبوی (ص) میں خدمت پر مامور خواتین کو مطلع کیا ہے کہ وہ مسجد نبوی (ص) میں آنے والی خواتین کو کیمرے والے موبائل یا صرف کیمرے اپنے ھمراہ لانے سے روکیں۔

واضح رہے کہ یہ اقدام سیکیورٹی کی وجہ سے کیا گیا ہے۔

یاد رہے مسجد نبوی (ص) میں کمیرے والے موبائل یا صرف کیمرے کے علاوہ کھانے پینے کی اشیاء اور تیز دھار آلات بھی لے جانا ممنوع ہے۔