بین الاقوامی:مصر کے سکیورٹی دستوں نے غزہ جانے کے خواہشمند ہزاروں مصریوں کو غزہ کے محصور فلسطینیوں کے لئے امداد لےجانے سے روک دیا ہے۔خبررساں ایجنسی شبستان نے اخبار الدستور کے حوالے سے نقل کیا ہے کہ مصر کے سکیورٹی دستوں نے غزہ جانے کے خواہشمند ہزاروں فعال مصری شہریوں کو غزہ کے محصور فلسطینیوں کے لئے امداد لےجانے سے روک دیا ہے۔
یہ لوگ رفح سرحد عبور کرکے غزہ امداد پہنچانا چاہتے تھے مصری لوگ غزہ کا محاصرہ ختم کرنے کے نعرے لگا رہے تھے رفح سرحد واحد راستہ ہے جو غزہ کو مصر سے ملاتا ہے اور مصری حکومت نے غاصب صہیونی حکومت سے تعاون کرتے ہوئے اس سرحد کو بھی غزہ کے مظلوم فلسطینیوں پر بند کردیا تھا اور مصری صدر حسنی مبارک نے غزہ جنگ میں فلسطینیوں کی حمایت کرنے کے بجائے ہمیشہ غاصب صہیونی حکومت کی حمایت کی ہے
فلسطینی وزارت صحت نے حال ہی میں اعلان کیا ہے کہ غزہ کے محاصرے کی وجہ سے اب تک 370 افراد شہید ہوچکے ہیں۔
source : http://www.shabestan.net/ur/pages/?cid=4883