مکہ مکرمہ کے گورنر شہزادہ خالد الفیصل نے جمعرات کو آب زم زم اور عرق گلاب سے خانہ کعبہ کو غسل دینے کی سعادت حاصل کی۔
سعودی ذرائع ابلاغ کے مطابق ہر سال یکم شعبان کو خانہ کعبہ کو غسل دیا جاتا ہے۔ اس سال یکم شعبان کو خادم حرمین شریفین شاہ عبدالله کی جانب سے مکہ کے گورنر شہزادہ خالد الفیصل نے غسل دینے کی سعادت حاصل کی۔ سابقہ روایات کے مطابق بیت الله شریف کو آب زم زم اور عراق گلاب سے غسل دیا گیا ہے۔ اس تقریب میں مسلم ممالک کے سفیروں، علماء کرام، امام کعبہ اور لوگوں کی کثیر تعداد شریک تھی۔ اس منظر کو ٹیلی ویژن پر براہ راست نشر کیا گیا۔
source : http://abna.ir/data.asp?lang=6&Id=177382