اردو
Friday 23rd of February 2018
code: 83972

امریکی لڑاکا طیاروں کے فضائی حملوں میں الحشد الشعبی کے 40 جوان شہید

امریکی جنگی طیاروں کے ذریعے عراق و شام کے سرحدی علاقوں پر کئے گئے فضائی حملوں میں الحشد الشعبی کے چالیس جوان شہید ہو گئے ہیں۔
عراق کی رضاکار فورس الحشد الشعبی نے اپنا ایک بیان جاری کر کے خبر دی ہے کہ سید الشہداء بٹالین پر امریکی لڑاکا طیاروں نے بمباری کر کے چالیس جوانوں کو شہید کر دیا ہے۔
عراق کی الحشد الشعبی فورس نے اس بات کی طرف اشارہ کرتے ہوئے کہ امریکہ کی اس جارحیت کا اسے بھر پور جواب جلد مل جائے گا کہا: ہم حکومت عراق سے مطالبہ کرتے ہیں کہ سید الشہداء بٹالین پر کئے گئے امریکی حملے کے بارے میں تحقیقات کرائے۔
سید الشہدا بٹالین کے کمانڈر کا کہنا ہے کہ امریکی جنگی طیاروں نے پیر کے روز علی الصبح شامی سرحد پر تعیینات الحشد الشعبی کے ٹھکانوں پر وحشیانہ حملہ کرکے متعدد جوانوں کو شہید یا زخمی کردیا۔
امریکی حکام نے دعوی کیا ہے کہ جنگی طیاروں نے داعشی دہشت گردوں کے ٹھکانوں کو نشانہ بنایا ہے تاہم الحشد الشعبی سے وابستہ سید الشہدا بٹالین کے  کمانڈر کا کہنا ہے امریکہ جان بوجھ کر الحشد الشعبی کو نشانہ بنا رہا ہے۔
امریکہ نے الحشد الشعبی کے ٹھکانوں پر سمارٹ بموں کا استعمال کیا ہے جس کے نتیجے میں کافی جانی اور مالی نقصان ہوا ہے۔
سید الشہدا بٹالین کے کمانڈر نے امریکی حکام کو خبردار کرتے ہوئے کہا ہے کہ الحشد الشعبی کے جوان امریکی جارحیت کا بھر پور جواب دیں گے۔
سید شہدا بٹالین کے کمانڈر نے مزید کہا ہم شام سے ملحقہ سرحدوں سے تمام داعشی دہشت گردوں کا خاتمہ کرکے دم لیں گے۔
واضح رہے کہ اس سے پہلے بھی امریکی جنگی طیاروں نے مختلف مقامات خاص کر موصل میں عراقی فورسز پر حملے کئے ہیں۔

latest article

  ایران سے کہہ دیں کہ ہم لڑنا نہیں چاہتے: یہودی ریاست کا ...
  اسلامی انقلاب کی سالگرہ کی ریلیوں میں بھرپور شرکت پر ...
  عراق اور شام میں آٹھ ہزار امریکی فوجی محاذ مزاحمت کی زد ...
  صومالیہ کے وزير اعظم نے وزراء خارجہ، داخلہ اور تجارت ...
  مصری وزارت خارجہ کا ترکی کو انتباہ/مصر کی حاکمیت اور ...
  آیت اللہ شیخ عیسی قاسم کی جان خطرے میں ہے: بحرین 14 فروری ...
  ڈیڑہ اسماعیل خان میں تکفیری دھشتگردوں کے ہاتھوں شیعہ ...
  اس سال 22 بہمن کے دن عوام بعض امریکی حکام کی دھمکیوں اور ...
  چین: امریکہ امن و صلح کی مخالف سمت میں حرکت کرنے سے باز ...
  الازہر یونیورسٹی کے اساتید کی حرم امام علی (ع) میں ...

user comment