اردو
Saturday 24th of February 2018
code: 83645

یمنی رضاکاروں نے سعودی فوجی ہیلی کاپٹر مار گرا کر ۱۲ سعودی افسران کو ہلاک کر دیا

یمنی رضاکاروں نے سعودی فوجی ہیلی کاپٹر مار گرا کر ۱۲ سعودی افسران کو ہلاک کر دیا

سعودی جارحیت کے خلاف جوابی کارروائی کرتے ہوئے یمن کی فوج اور عوامی رضاکار فورس کے جوانوں نے سعودی فوج کا ایک ہیلی کاپٹر مار گرایا جس کے نتیجے میں سعودی اتحاد کے ۱۲ فوجی افسران ہلاک ہوگئے۔ سعودی حکومت نے اپنے ۱۲ فوجی افسران کی ہلاکت کی تصدیق کرتے ہوئے ان کے ناموں کی فھرست اور تصاویر شائع کر دی ہیں۔

یمن کی فوج اور عوامی رضاکار فورس کے جوانوں نے جنوب مغربی صوبے تعز کے شہر المخا کے علاقے جبل النار پر سعودی فوج کے حملے کو پسپا کردیا ہے۔

صنعا میں عسکری ذرائع نے بتایا ہے کہ سعودی فوج کے ہیلی کاپٹر کو صوبہ مارب میں مزائل کا نشانہ بنایا گیا جس کے نتیجے میں سعودی اتحاد کے ایک درجن سے زائد فوجی ہلاک ہوگئے۔کہا جارہا ہے کہ اس ہیلی کاپٹر میں سعودی عرب کے علاوہ خلیج فارس کے بعض دوسرے ملکوں کے فوجی افسران بھی سوار تھے۔

ادھر المسیرہ ٹیلی ویژن نے بتایا ہے کہ یمن کی فوج اور عوامی رضاکار فورس کے جوانوں نے، جنوبی سعودی عرب کے سرحدی شہر جیزان میں فوجی اہداف بر گولہ باری کی ہے۔یمنی فوج کے حملے میں، سعودی فوج کی انجینیئرنگ کور کا ایک بلڈوزر اور متعدد گاڑیاں بھی تباہ ہوگئیں۔

یمنی فوج اور عوامی رضاکار فورس کے جوانوں نے شدید ترین سعودی جارحیت کے مقابلے میں وطن کا دفاع جاری رکھتے ہوئے سعودی فوج کے ٹھکانوں اور دیگر فوجی اہداف کو نشانہ بنانا شروع کردیا ہے۔

ایک اور اطلاع کے مطابق یمن کی فوج اور عوامی رضاکار فورس کے جوانوں نے جنوب مغربی صوبے تعز کے شہر المخا کے علاقے جبل النار پر سعودی فوج کے حملے کو پسپا کردیا ہے۔سعودی فوج ، فضائی حملوں کی مدد سے جبل النار میں پیشقدمی کی کوشش کر رہی تھی تاہم اسے یمنی فوج اور عوامی رضاکاروں کے جوابی حملوں کا سامنا کرتے ہوئے پسپا ہونا پڑا ۔اس کارروائی میں سعودی اتحاد کے کم سے کم تیس فوجی ہلاک ہوگئے ہیں۔

یمنی فوج اور عوامی رضاکاروں نے جنوب مغربی بحیرہ احمر کے قریب واقع شہر ذوباب میں سعودی اتحاد کے ٹھکانوں پر حملے کیے ہیں جس کے نتیجے میں سعودی اتحاد کی متعدد گاڑیاں اور ہتھیار تہس نہس ہوگئے-یمنی فوج کے بم ڈسپوزل اسکواڈ کے جوانوں نے عدن - تعز شاہراہ کے قریب سات کلو گرام وزنی ایک بم کا پتہ لگانے کے بعد اسے ناکارہ بنادیا ہے۔

latest article

  ایران سے کہہ دیں کہ ہم لڑنا نہیں چاہتے: یہودی ریاست کا ...
  اسلامی انقلاب کی سالگرہ کی ریلیوں میں بھرپور شرکت پر ...
  عراق اور شام میں آٹھ ہزار امریکی فوجی محاذ مزاحمت کی زد ...
  صومالیہ کے وزير اعظم نے وزراء خارجہ، داخلہ اور تجارت ...
  مصری وزارت خارجہ کا ترکی کو انتباہ/مصر کی حاکمیت اور ...
  آیت اللہ شیخ عیسی قاسم کی جان خطرے میں ہے: بحرین 14 فروری ...
  ڈیڑہ اسماعیل خان میں تکفیری دھشتگردوں کے ہاتھوں شیعہ ...
  اس سال 22 بہمن کے دن عوام بعض امریکی حکام کی دھمکیوں اور ...
  چین: امریکہ امن و صلح کی مخالف سمت میں حرکت کرنے سے باز ...
  الازہر یونیورسٹی کے اساتید کی حرم امام علی (ع) میں ...

user comment