عراق کے ممتاز شیعہ عالم دین ’’حجت الاسلام شیخ علی باسون‘‘نے شام کے مفتی اعظم شیخ احمد بدروالدین حسون کے ساتھ ملاقات میں جدیدیت کے بہانے مسلم نوجوانوں میں زہریلے خیالات کو پھیلانے کی دشمنوں کی کوششوں کے بابت خبردار کیا ہے۔
دونوں علماء نے اس ملاقات کے دوران عالم اسلام کی موجودہ صورتحال کا جائزہ لیتے ہوئے مسلم ممالک میں تشدد کے پھیلاؤ کو تشویشناک قراردیا۔
اس ملاقات میں مفتی اعظم نے مسلمانوں کے درمیان اتحاد کوفروغ دینے میں مراجع تقلید کی کوششوں کی سراہنا کرتے ہوئے مسلمانوں اور مختلف ادیان کے پیرو کاروں کے درمیان تعلقات کو فروغ دینے کا مطالبہ کیا۔
عراقی مذہبی رہنما نے انتہاپسندی کا مقابلہ کرتے ہوئے میڈیا کے کردار پر روشنی ڈالتے ہوئے کہاکہ میڈیا انتہاپسندی اور تباہ کن نظریات کہ جس کا مقصد تمام مسلمانوں بالخصوص تعلیم یافتہ نوجوان نسل کو نقصان پہنچانا ہے کا مقابلہ کرنے میں اہم رول ہے۔
انہوں نے جدیدیت کے نام پر نوجوان نسل کو نشانہ بنانےکی معاندانہ کوششوں کی مذمت کرتے ہوئےکہاکہ دشمنان اسلام نوجوانوں میں زہریلے خیالات کو پھیلاکر لوگوں کے درمیان بنیادی تصورات اوراخلاقیات کو تبدیل کرنے کی کوشش کرتے ہیں۔
