اردو
Sunday 22nd of April 2018
code: 83365

حضرت معصومہ سلام اللہ علیہا کی اجمالی زندگی

حضرت معصومہ سلام اللہ علیہا کی اجمالی زندگی



حضرت معصومہ (س) امام صادق(ع) کی نظر میں: روی عن القاضی نور الله عن الصادق علیه السلام :
ان الله حرما و هو مکه الا ان رسول اللہ حرما و هو المدینة اٴلا و ان لامیر الموٴمنین علیه السلام حرما و هو الکوفه الا و ان قم الکوفة الصغیرة اٴلا ان للجنة ثمانیه ابواب ثلاثه منها الی قم تقبض فیها امراٴة من ولدی اسمها فاطمة بنت موسی علیها السلام و تدخل بشفاعتها شیعتی الجنة باجمعهم ۔
امام صادق(ع) سے نقل ہے کہ آپ نے فرمایا: ""خداوند عالم حرم رکھتا ہے اور اس کا حرم مکہ ہے پیغمبر(ص) حرم رکھتے ہیں اور ان کا حرم مدینہ ہے۔ امیر المومنین(ع) حرم رکھتے ہیں اور ان کا حرم کوفہ ہے۔ قم ایک کوفہ صغیر ہےجنت کے آٹھ دروازوں میں سے تین قم کی جانب کھلتے ہیں ، پھر امام (ع) نے فرمایا :میری اولاد میں سے ایک عورت جس کی شہادت قم میں ہوگی اور اس کا نام فاطمہ بنت موسیٰ ہوگا اور اس کی شفاعت سے ہمارے تمام شیعہ جنت میں داخل ہوجائیں گے ۔۔(بحار ج/۶۰، ص/۲۸۸)

قال الصادق علیه السلام من زارها عارفا بحقها فله الجنة
امام صادق(ع) فر ماتے ہیں کہ جس نے معصومہ(س) کی زیارت اس کی شان ومنزلت سے آگاہی رکھنے کے بعد کی وہ جنت میں جا ئے گا ۔(بحار ج/۴۸،ص/۳۰۷ )

اٴلا ان حرمی و حرم ولدی بعدی قم
امام صادق(ع) فر ماتے ہیں آگاہ ہو جاوٴ میرا اور میرے بیٹوں کا حرم میرے بعد قم ہے ۔ (بحار الانوار ج/۶۰، ص۲۱۶)

حضرت معصومہ (س) امام رضا(ع) کی نظر میں - عن سعد عن الرضا علیہ السلام قال : یا سعد من زارہا فلہ الجنۃ ۔
- ثواب الاٴعمال و عیون اخبار الرضا علیه السلام : عن سعد بن سعد قال : ساٴلت ابا الحسن الرضا علیه السلام عن فاطمة بنت موسی بن جعفر علیه السلام فقال : من زارها فله الجنة
سعد امام رضا(ع) سے نقل فرماتے ہیں کہ آپ نے فرمایا: اے سعد جس نے حضرت معصومہ(س) کی زیارت کی اس پر جنت واجب ہے ۔
”ثواب الاعمال“ اور ”عیون الرضا “ میں سعد بن سعد سے نقل ہے کہ میں نے امام رضا(ع) سے معصومہ(س) کے بارے میں پوچھا تو آپ نے فرمایا حضرت معصومہ(س) کی زیارت کا صلہ بہشت ہے ۔(کامل الزیارات،ص/۳۲۴)

- کامل الزیارة : عن ابن الرضا علیہما السلام قال: من زار قبر عمتی بقم فله الجنة
امام جواد(ع) فرماتے ہیں کہ جس نے میری پھوپھی کی زیارت قم میں کی اس کے لئے جنت ہے ۔(کامل الزیارات،ص/۳۲)

حضرت معصومہ(س) کا مقام و منزلت اب یہ سوال ذہن میں آتا ہے کہ معصومہ(س) کو معصومہ کا لقب کس نے دیا؟
معصومہ کا لقب حضرت امام رضا (ع) نے اپنی بہن کو عطا کیا۔ آپ اس طرح فرماتے ہیں:

من زار المعصومة بقم کمن زارنی
جس نے معصومہ(س) کی زیارت قم میں کی وہ اس طرح ہے کہ اس نے میری زیارت کی ۔( ناسخ التواریخ ، ج/۳ ، ص/۶۸)
اب جب کہ یہ لقب امام معصوم (ع) نے آپ کو عطا فرمایا تو اس کا مطلب یہ ہوا کہ آپ ان کی ہم رتبہ ہیں ۔
امام رضا(ع) نے ایک دوسری حدیث میں فرمایا کہ وہ شخص جو میری زیارت پر نہیں آسکتا وہ میرے بھائی کی زیارت شہرری میں اور میری بہن کی زیارت قم میں کرے تووہ میری زیارت کا ثواب حاصل کرلے گا ۔( زیدۃ التصانیف ، ج/۶، ص/۱۵۹)
دوسرا لقب جو حضرت معصومہ(س) کا ہے وہ ہے کریمہ اہل بیت ، یہ لقب بھی ایک عظیم المرتبت عالم دین کے خواب کے ذریعے امام معصوم(ع) کی زبان اقدس سے معلوم ہوا۔
خواب کی تفصیل اس طرح ہے کہ مرحوم آیۃ اللہ سید محمود مرعشی نجفی جو کہ آیۃ اللہ سید شھاب الدین مرعشی کے والد بزرگوار تھے، اس عظیم ہستی کی دلی خواہش تھی کہ حضرت صدیقہ طاہرہ (س) کی قبر اطہر کاصحیح پتہ مل جائے آپ اس عظیم امر کی خاطر بہت پریشان رہا کرتے تھے ۔ لہٰذا آپ نے ایک عمل شروع کردیا اور چالیس روز تک ختم قرآن کاعمل کرتے رہے، یہاں تک کہ وہ دن بھی آ گیا کہ مرحوم نے اپنے اس چالیس روزہ عمل کا اختتام کیا،آپ کافی تھک چکے تھے لہٰذا آپ نیند کی آغوش میں چلے گئے اور کافی دیر تک آپ آرام فرماتے رہے دوران استراحت آپ کی زندگی کی وہ مبارک گھڑی بھی آ پہنچی جس کا انتظار ہر شیعیان علی (ع) کو رہتا ہے یعنی خواب کے عالم میں امام باقر(ع) یا امام صادق(ع) تشریف لے آئے اور آپ ان کی زیارت سے مشرف ہوئے اس وقت امام (ع) نے فرمایا:

«علیک بکریمة اهل البیت» کریمہٴ اہل بیت(ع) کے دامن سے متمسک ہوجاوٴ۔
مرحوم آیۃ اللہ سید محمود مرعشی نجفی (رح) نے سمجھا کہ منظور امام (ع) حضرت زہرا(س) ہیں۔ مرحوم نے عرض کیا میں آپ پر فدا ہوجاوٴں اے میرے آقا ! میں نے یہ ختم قرآن کا عمل اسی وجہ سے کیا ہے کہ حضرت زہرا(س) کی قبر کا دقیق پتہ معلوم ہوجائے تاکہ بہتر طریقے سے ان کی قبر اطہرکی زیارت کرسکوں ۔اس وقت امام(ع) نے فرمایا میری مراد حضرت معصومہ(س) کی قبر شریف ہے جو کہ قم میں ہے ۔ پھر امام (ع) نے فرمایا :خدا نے کسی مصلحت کی بنیاد پر جناب زہرا(س) کی قبر شریف کو مخفی رکھا ہے اور اسی وجہ سے حضرت معصومہ(س)کی قبر اطہر کو تجلی گاہ قبر حضرت زہرا(س) قرار دیا ہے۔
اگر حضرت زہرا(س) کی قبر مبارک ظاہر ہوتی تو اس پر جس قدر نورانیت و جلالت دیکھنے کو ملتی اتنی ہی نورانیت و جلالت خداوند کریم نے حضرت معصومہ(س) کی قبر شریف کو عطا کی ہے۔
مرحوم مرعشی نجفی جیسے ہی خواب سے بیدار ہوئے آپ نے مصمم ارادہ کرلیا کہ جلد از جلد بارگاہ معصومہ(س) میں حاضری دیں گے اپنے اس ارادہ کی تکمیل کی خاطر آپ نے سامان سفر باندھا اور زیارت حضرت معصومہ(س) کی خاطر نجف اشرف کو ترک کردیا ۔

latest article

  جہادِ سید ِ سجاد (ع)
  قرآن امام سجاد (ع) کے کلام میں
  حضرت عباسؑ کی زندگی کے نشیب و فراز
  امام حسین علیہ السلام کی تحریک کے اہداف
  امام حسین علیہ السلام کون ہیں
  امام حسین علیہ السلام اور تقیہ
  قرآن کی روشنی میں منافقین کے نفسیاتی صفات
  مسجد النبی (ص)
  پیغمبر اعظم ﷺکی سیرت طیبہ اور وحدت
  جنگوں میں پیامبراکرم(ص)کی سیرت

user comment

بازدید ترین مطالب سال

انتخاب کوفه به عنوان مقر حکومت امام علی (ع)

حکایت خدمت به پدر و مادر

داستانى عجيب از برزخ مردگان‏

فلسفه نماز چیست و ما چرا نماز می خوانیم؟ (پاسخ ...

رضايت و خشنودي خدا در چیست و چگونه خداوند از ...

چگونه بفهميم كه خداوند ما را دوست دارد و از ...

سخنراني مهم استاد انصاريان در روز شهادت حضرت ...

در کانال تلگرام مطالب ناب استاد انصاریان عضو ...

نرم افزار اندروید پایگاه اطلاع رسانی استاد ...

مرگ و عالم آخرت

پر بازدید ترین مطالب ماه

سِرِّ نديدن مرده خود در خواب‏

ذکری برای رهایی از سختی ها و بلاها

سرانجام كسي كه نماز نخواند چه مي شود و مجازات ...

رمز موفقيت ابن ‏سينا

تنها گناه نابخشودنی

طلبه ای که به لوستر های حرم امیر المومنین ...

راه كنترل شهوت چگونه است؟

آیه وفا (میلاد حضرت عباس علیه السلام)

چند روايت عجيب در مورد پدر و مادر

رفع گرفتاری با توسل به امام رضا (ع)

پر بازدید ترین مطالب روز

عشق امام سجاد (ع) به عبادت

ولادت با سعادت امام سجاد(ع)

اهمیت ذکر صلوات در ماه شعبان

بهترین دعاها برای قنوتِ نماز

آيا فكر گناه كردن هم گناه محسوب مي گردد، عواقب ...

آیا حوریان و لذت های بهشتی فقط برای مردان است؟

چرا باید حجاب داشته باشیم؟

وظیفه ما در مقابل اموات که در برزخ هستند چیست؟

آیا تصویر امام زمان را دیده اید!

میلاد امام حسین (علیه السلام)