اردو
Tuesday 28th of March 2017
code: 83339
جرمنی کی 25 سالہ خاتون نے حرم امام رضا میں اسلام قبول کر لیا
جرمنی کی 25 سالہ خاتون ’’ہانا نلہ‘‘ نے حرم امام رضا علیہ السلام میں اسلام قبول کرنے کے بعد اپنا نام ’’زہرا‘‘ انتخاب کیا۔

اہل بیت(ع) نیوز ایجنسی۔ابنا۔ جرمنی کی 25 سالہ خاتون  ’’ہانا نلہ‘‘ نے حرم امام رضا علیہ السلام میں اسلام قبول کرنے کے بعد اپنا نام ’’زہرا‘‘ انتخاب کیا۔
دریں اثنا آستانہ مقدس کے غیر ایرانی زائرین کے امور سے متعلق دفتر کے عہدہدار سید جواد ہاشمی نژاد نے دین اسلام کے بارے میں گفتگو کرتے ہوئے اصول دین، مذہب تشیع اور اسلام میں وارد ہونے کے اصولوں کے بارے میں بتایا اور کہا: دین اسلام میں داخل ہونا ایک الہی توفیق ہے جو آپ کے نصیب ہوئی ہے۔
انہوں نے عصر حاضر میں اسلام کے خلاف دشمنوں کی سازشوں کی طرف اشارہ کرتے ہوئے کہا کہ اس وقت مغربی میڈیا اسلام کے حقائق کو چھپانے اور اس کا چہرہ بگاڑنے کی بے انتہا کوشش کر رہا ہے۔
نومسلمان خاتون نے اسلام کے بارے میں گفتگو کرتے ہوئے کہا: میں نے اسلامی کتابوں کا مطالعہ کرنے کے بعد زہرا نام کو اپنے لیے بہترین نام کے طور پر انتخاب کیا اور مجھے امید ہے کہ حضرت زہرا اور ائمہ معصومین کو نمونہ عمل قرار دیتے ہوئے اللہ کے فرامین کو انجام دینے میں کامیاب ہوسکوں گی۔
انہوں نے مزید کہا: اسلام کے تئیں میرا شوق امام حسین اور کربلا کے بارے میں ایک کچھ چیزوں کا مطالعہ کرنے سے پیدا ہوا میں تقریبا ایک سال سے باطنی طور پر مسلمان ہوں لیکن آج زبان پر کلمہ شہادتین جاری کر کے ظاہری طور پر بھی مسلمان اور شیعہ ہو گئی ہوں۔
ہانانلہ نے مزید کہا: حرم امام رضا علیہ السلام میں، میں ایک خاص روحانی کیفیت اور آرام و سکون کا احساس کر رہی ہوں یقینا اہل بیت(ع) کی نسبت محبت میرے دل میں پیدا ہو چکی ہے۔
واضح رہے کہ غیر ایرانی زائرین کے دفتر نے اس نومسلمان خاتون کو جرمنی زبان میں ترجمہ شدہ قرآن کریم کا ایک نسخہ، نماز کی چادر اور جانماز تحفہ کے طور پر پیش کی گئی۔

user comment
 

latest article

  قرآن کيا ہے؟
  قرآن اور مشتشرقين
  عملی زندگی میں تصور خدا اور اس کے اثرات قرآن کی روشنی میں
  قرآن حکیم سے شفاء و برکت کے حصول کا بیان
  قرآن مجيد اور مالى اصلاحات
  قرآن اور علم
  فہم قرآن کے لۓ چند شرائط
  قرآن کا تبلیغی انداز
  بہترین ثواب
  قرآن مجید ایک عالمی کتاب ہے