کی رپورٹ کے مطابق علامہ سید ہاشم موسوی نے علامہ شہید عارف حسین الحسینی کی انتیسویں برسی کے موقع پر ایک اجتماع سے خطاب کرتے ہوئے کہا کہ امریکہ مسلمانوں کے درمیان اتحاد کا مخالف تھا اور اس نے پاکستان کے اس وقت کے صدر جنرل ضیا الحق سے علامہ عارف حسین الحسینی کو راستے سے ہٹانے کو کہا تھاعلامہ سید ہاشم موسوی نے کہا کہ ضیا الحق خود بھی علامہ عارف حسین الحسینی کی سرگرمیوں کو اپنے لیے خطرہ تصور کرتا تھا کیونکہ آپ مسلمانوں کے درمیان اتحاد اور بھائی چارہ قائم کرنے کی بھرپور کوشش کر رہے تھے۔قابل ذکر ہے کہ شیعیان پاکستان کے سابق قائد علامہ سید عارف حسین الحسینی کو پانچ اگست انیس اٹھاسی کو ایک سازش کے تحت مسلح افراد نے ان کے ہی قائم کردہ مدرسے میں نماز صبح کی ادائیگی کے وقت شہید کردیا تھا۔علامہ عارف حسین الحسینی، اسلامی جمہوریہ ایران کے بانی حضرت امام خمینی رح کے شاگردوں میں سے تھے اور انہوں نے پاکستان میں اسلامی نظریات کی ترویج میں اہم کردار ادا کیا۔شہید عارف حسین الحسینی آخری دم تک پاکستان میں بدعنوانیوں اور ظلم کے خلاف جدو جہد کرتے رہے۔
