دمشق کے علاقے زینبیہ میں تین بم دھماکے 155 افراد شہید اور زخمی

اہل بیت(ع) نیوز ایجنسی۔ابنا۔ ذرائع ابلاغ نے دمشق کے علاقے زینبیہ میں دھشتگردانہ دھماکہ کئے جانے کی خبر دی ہے۔
رپورٹ کے مطابق، دمشق کے مضافات میں سیدہ زینب کے علاقے کے قریب واقع کوع سوڈان علاقے میں کار بم کے ذریعے کئے گئے دھماکے میں متعدد افراد شہید اور زخمی ہوئے ہیں۔
کہا جاتا ہے کہ یہ بم دھماکہ کار میں رکھے گئے دھماکہ خیز مواد کے ذریعے کیا گیا۔
اس ملک کی وزارت داخلہ نے اعلان کیا ہے کہ پہلے ایک کار بم دھماکہ ہوا اور اس کے بعد جب لوگ اس محل دھماکہ پر جمع ہوئے تو دو خود کش حملہ آوروں نے دو مزید دھماکے کر دئے۔
شام کی سرکاری نیوز ایجنسی سانا نے دمشق کے علاقے زینبیہ میں ہوئے تین بم دھماکوں کی رپورٹ دیتے ہوئے کہا ہے کہ ’’کوع السودان‘‘ محلے میں ہوئے مسلسل تین بم دھماکوں میں 45 افراد شہید جبکہ 110 زخمی ہوئے ہیں۔
دھشتگرد ٹولے داعش نے ان دھماکوں کی ذمہ داری قبول کر لی ہے۔
واضح رہے کہ گزشتہ دنوں صوبہ حمص کے دو شیعہ نشین علاقوں میں بھی کئے گئے دو بم دھماکوں کے باعث 32 افراد شہید اور 90 زخمی ہوئے تھے۔