آیسیسکو کے تعاون سے مراکش کی مسجد اعظم کی تعمیرنو

بین الاقوامی: آیسیسکو نے مراکش کے شہر ٹروڈنٹ کی مسجد اعظم کی تعمیر کے لیے تعاون کی پیشکش کی ہے۔

خبررساں ایجنسی شبستان نے بعض عربی ذرائع ابلاغ کے حوالے سے نقل کیا ہے کہ آیسیسکو نے اپنے ایک بیانیے میں مراکش کے جنوبی شہرٹروڈنٹ کی مسجد اعظم میں آگ لگنے کے واقعہ پر ناراضگی کا اظہار کرتے ہوئے کہا ہے کہ خوبصورت معماری اورایک غیرمعمولی عبادت گاہ کے لحاظ سے یہ جامع مسجد ایک اہم ترین علمی اور تاریخی شاہکار ہے کہ جس میں مراکش کے مختلف زمانوں کی نورافشانی ہے۔

مراکش کی مسجد اعظم علم وتقوی کی علامت ہے کہ جس نے مختلف اسلامی میدان کے علماء اور فقہائے کرام کی تربیت کی ہے۔

آیسیسکو نے مزید کہا ہے کہ اس مسجد کی عدم موجودگی مراکش کے تمدن کے لیےایک بہت بڑا نقصان شمار ہو گی۔

آیسیسکو نے مربوطہ حکام سے مطالبہ کیا ہے کہ وہ جلد ازجلد اس مسجد کی تعمیرنو کا اقدام کریں اوریہ آرگنائزیشن بھی اس مسجد کی تعمیرنو میں تعاون کرے گی۔ بجلی کی مشکلات کی وجہ سے اس مسجد میں آگ لگ گئی تھی۔ یاد رہے کہ مراکش کی مسجد اعظم سعدیین دورحکومت سے پہلے بنائی گئی تھی اور محمد شیخ سعدی ۱۵۵۷ء تک اس کی تعمیرنو کرتے رہے ان کے بعد سلطان مولای رشیدالعلوی نے۱۰۸۲ھ کو اس کی تعمیر نوکر کے اسے وسعت دی تھی اور ان حالیہ سالوں کے دوران دوبارہ اس کی تعمیرنو کی گئی تھی۔