اردو
Friday 29th of March 2024
0
نفر 0

فيض نبوت و ولايت کي بقاء کا الوہي نظام

حضرت ابراہيم عليہ السلام نے دو دعائيں مانگي تھيں ايک يہ کہ باري تعاليٰ ميري ذريت سے خاتم الانبياء پيدا فرما۔ دوسرے ميري ذريت کو منصب امامت عطا کر چنانچہ حضرت محمد مصطفيٰ صلي اللہ عليہ وآلہ وسلم کي شکل ميں نبي آخر الزماں تشريف لے آئے، حضور صلي اللہ عليہ وآلہ وسلم پر نبوت ختم ہو جانے کے بعد اب يہ لازمي تقاضا تھا کہ حضور رحمت کونين صلي اللہ عليہ وآلہ وسلم کي نبوت کا فيض اب امامت و ولايت کي شکل ميں آگے چلے، حضرت ابراہيم عليہ السلام کي ذريت ميں ولايت بھي آ گئي، حضور صلي اللہ عليہ وآلہ وسلم کا اپنا صلبي بيٹا نہ تھا۔ سو اب نبوت مصطفيٰ صلي اللہ عليہ وآلہ وسلم کا فيض اور امامت و ولايت مصطفوي کا مظہر تھا اسلئے ضروري تھا کہ يہ کسي مقدس اور محترم خاندان سے چلے۔ ايسے افراد سے چلے جو حضور رحمت عالم صلي اللہ عليہ وآلہ وسلم کا صلبي بيٹا تو نہ ہو مگر ہو بھي جگر گوشہء رسول، چنانچہ اس منصب عظيم کے لئے حضرت علي کرم اللہ وجہہ اور حضور صلي اللہ عليہ وآلہ وسلم کي لاڈلي بيٹي خاتون جنت سيدہ فاطمتہ الزہرا رضي اللہ عنہا پر قدرت کي نگاہ انتخاب پڑي۔
حضرت علي (ع) اور حضرت سيدہ فاطمہ رضي اللہ عنہ کي شادي کا آسماني فيصلہ
اللہ تعاليٰ اور اس کے رسول صلي اللہ عليہ وآلہ وسلم کي خوشنودي رضا اور مشعيت سے يہ مقدس ہستياں رشتہ ازدواج ميں منسلک ہوئيں۔ حديث پاک ميں ہے :
عن عبدالله بن مسعود عن رسول الله صلي الله عليه وآله وسلم قال ان الله امرني ان ازوج فاطمة من علي رضي الله عنهما
حضرت عبداللہ بن مسعود رضي اللہ عنہ سے مروي ہے کہ نبي اکرم صلي اللہ عليہ وآلہ وسلم نے فرمايا کہ بے شک اللہ تعالي نے مجھے حضرت فاطمہ رضي اللہ عنہ کا حضرت علي (ع) سے نکاح کرنے کا حکم ديا۔
(
المعجم الکبير للطبراني، 10 : 156، ح : 10305)

تاجدار کائنات صلي اللہ عليہ وآلہ وسلم نے فرمايا کہ علي (ع) اور فاطمہ رضي اللہ عنہ کي شادي کا فيصلہ آسمانوں پر ہو چکا تھا۔ يہ شادي امر الٰہي سے سرانجام پائي اس لئے کہ حضرت علي (ع) سے ولايت مصطفيٰ کے سلسلے کو قائم ہونا تھا اور حضرت علي (ع) کو تکميل دعائے ابراہيم عليہ السلام کا ذريعہ بنانا تھا اسي مقصد کے لئے تاجدار کائنات صلي اللہ عليہ وآلہ وسلم سے ان کي حضرت فاطمہ رضي اللہ عنہ کے ذريعہ ايک اور مضبوط اور پاکيزہ نسبت بھي قائم ہوئي۔ آئندہ صفحات ميں ہم دو الگ الگ فصلوں ميں ان دونوں مقدس ہستيوں کے فضائل و مناقب جو صحيح روايات سے ثابت ہيں اور اہل سنت والجماعت کے ہاں ان کي کتابوں ميں درج ہيں کو بيان کريں گے تاکہ معلوم ہو جائے کہ مولائے کائنات حضرت علي کرم اللہ وجہہ الکريم اور خاتون جنت سيدہ فاطمۃ الزہرا رضي اللہ عنہا اور ان کي اولاد اطہار جمہور اہل اسلام کے ہاں محترم و مکرم اور قابل عزت و تکريم ہيں يہ نہ تو کسي خاص فرقے کا مشرب و مسلک ہے اور نہ کسي کي خاص علامت ہے اور ايسا ہو بھي کيونکہ يہ خانوادہ نبوت ہے اور جملہ مسلمانوں کے ہاں معيار حق اور مرکز و محور ايمان و عمل ہے۔
فصل اول
فضائل مولا ئے کائنات رضي اللہ عنہ

خليفہ چہارم حضرت علي مرتضيٰ شير خدا کرم اللہ وجہہ تحريک اسلامي کے عظيم قائد، نبي آخر الزماں حضرت محمدمصطفيٰ صلي اللہ عليہ وآلہ وسلم کے انتہائي معتبر ساتھي، جاں نثار مصطفيٰ اور داماد رسول تھے۔ آپ کي فضيلت کے باب ميں ان گنت احاديث منقول ہيں جن ميں سے بعض کا تذکرہ ذيل ميں کيا جارہا ہے۔
حضرت علي (ع) کي صلب سے نبي کي ذريت

1.
عن جابر رضي اﷲ عنه قال قال رسول اﷲ صلي الله عليه وآله وسلم ان اﷲ عز و جل جعل ذرية کل نبي في صلبه و ان اﷲ جعل ذريتي في صلب علي رضي الله عنه بن ابي طالب رضي الله عنه رضي اﷲ
حضرت جابر رضي اللہ عنہ سے مروي ہے کہ رسول اللہ صلي اللہ عليہ وآلہ وسلم نے فرمايا اللہ تبارک و تعاليٰ نے ہر نبي کي ذريت اس کي صلب سے جاري فرمائي اور ميري ذريت حضرت علي بن ابي طالب رضي اللہ عنہ کي صلب سے چلے گي۔
1.
المعجم الکبير لطبراني، 3 : 44، ح : 2630
2.
مجمع الزوائد، 9 : 172
3.
تاريخ بغداد، 1 : 317
4.
کنزل العمال’ 11 : 400، ح : 32892
5.
لسان الميزان، 3 : 429، ح : 1683
6.
ميزان الاعتدال، 2 : 586، ح : 4954
7.
العلل المتناهية لابن جوزي، 1 : 210
حضرت علي (ع) نبي کے قائم مقام
2.
عن سعد بن ابي وقاص قال خلف رسول اﷲ علي بن ابي طالب في غزوه تبوک فقال يا رسول اﷲ تخلفني في النساء والصبيان فقال اما ترضي ان تکون مني بمنزلة هارون من موسي غير انه لا نبي بعدي
حضرت سعد بن ابي وقاص رضي اللہ عنہ سے مروي ہے کہ رسول اکرم صلي اللہ عليہ وآلہ وسلم نے حضرت علي (ع) کو غزوہ تبوک ميں اپنا خليفہ بنايا تو انہوں نے عرض کيا۔ اے اللہ کے رسول صلي اللہ عليہ وآلہ وسلم آپ نے مجھے عورتوں اور بچوں ميں خليفہ بنايا ہے۔ اس پر حضور صلي اللہ عليہ وآلہ وسلم نے فرمايا کہ آپ اس چيز پر راضي نہيں کہ آپ ميرے لئے اس طرح بن جائيں جس طرح کہ ہارون عليہ السلام حضرت موسيٰ عليہ السلام کے قائم مقام تھے مگر يہ کہ ميرے بعد کوئي نبي نہ ہوگا۔
1.
صحيح مسلم، 4 : 1870- 1871، کتاب فضائل الصحابه، باب 4 من فضائل علي بن ابي طالب رضي الله عنه، ح : 2404
2.
صحيح البخاري، 3 : 1358، کتاب المناقب باب 9 فضل الصحابه، ح : 3503
3.
صحيح البخاري، 4 : 1602، کتاب المغازي، باب 74غزوه تبوک،ح : 1454
4.
سنن الترمذي، 5 : 640 - 641، کتاب المناقب، باب 30 مناقب علي رضي الله عنه بن ابي طالب، ح : 3724، 3730، 3731
5.
سنن ابن ماجه، 1 : 42، المقدمه، باب فضل علي بن ابي طالب ح : 115
6.
المستدرک للحاکم، 3 : 109، کتاب معرفة الصحابه، باب ذکر بغض فضائل علي رضي الله عنه
7.
المعجم الکبير لطبراني، 1 : 146، ح : 328
8.
المعجم الکبير لطبراني، 1 : 148، ح : 333، 334
9.
المعجم الکبير لطبراني، 2 : 247، ح : 2036
10.
المعجم الکبير لطبراني، 5 : 203، ح : 5094، 5095
11.
المعجم الکبير، 11 : 61، ح : 11087
12.
مسند احمد بن حنبل، 3 : 32،
13.
مسند احمد بن حنبل، 4 : 438
14.
مسند احمد بن حنبل، 3 : 338
15.
مسند ابي يعلي، 1 : 286، ح : 345
16.
مسند ابي يعلي، 2 : 57، ح : 698
17.
مسند ابي يعلي، 2 : 66، ح : 709
18.
مسند ابي يعلي، 2 : 73، ح : 718
19.
مسند ابي يعلي، 2 : 86، ح : 739، 738
20.
مسند ابي يعلي، 2 : 99، ح : 755
21.
مصنف عبدالرزاق، 11 : 226، ح : 20390، باب اصحاب النبي صلي الله عليه وآله وسلم
22.
مجمع الزوائد، 9 : 109، باب منزلة رضي الله تعالي عنه
23.
سنن ابن ماجه، 1 : 42 - 43. المقدمه، باب 11 فضل علي بن ابي طالب رضي الله عنه، ح : 115
امام ترمذي نے اس حديث پاک کو حضرت جابر رضي اللہ عنہ سے روايت کيا ہے اور اس کے رجال اور سند کو ثقہ کہا ہے۔
1
۔ امام ابو يعلي اورامام طبراني نے جو حديث ام سلمہ سے روايت کي ہے اسکي اسناد ثقہ ہے۔
2
۔ امام بزار اور امام طبراني نے جو حديث ابن عباس سے روايت کي ہے اسکي اسناد بھي ثقہ ہے۔
3
۔ امام طبراني نے حضرت زبير سے جو روايت کي ہے اسکے رجال کي اسناد بھي ثقہ ہے۔

3.
عن زيد بن ارقم قال کانت فلنفرمن اصحاب رسول الله صلي الله عليه وآله وسلم ابواب شارعة في المسجد فقال يوماً سدوا هذه الابواب الاباب علي قال فتکلم في ذالک ناس فقام رسول الله صلي الله عليه وآله وسلم فحمد اﷲ و اثني عليه تم قال اما بعد فاني امرت بسد هذه الابواب غير باب علي فقال فيه قائلکم والله ماسددت شيئا ولا فتحته ولکن امرت شي فاتبعته
حضرت زيد بن ارقم رضي اللہ عنہ سے روايت ہے کہ اصحاب رسول صلي اللہ عليہ وآلہ وسلم ميں سے بعض کے گھروں کے دروازے مسجد نبوي (کے صحن) کي طرف کھلتے تھے ايک دن حضور نبي اکرم صلي اللہ عليہ وآلہ وسلم نے فرمايا ان تمام دروازوں کو بند کر دو سوائے باب علي کے، راوي کہتے ہيں کہ بعض لوگوں نے چہ مي گوئياں کيں اس پر حضور نبي اکرم صلي اللہ عليہ وآلہ وسلم نے خطبہ ارشاد فرمايا : حمد و ثناء کے بعد فرمايا مجھے باب علي کے سوا ان تمام دروازوں کو بند کرنے کا حکم ديا گيا ہے پس تم ميں سے کسي نے اس بات پر اعتراض کيا ہے خدا کي قسم نہ ميں کسي چيز کو کھولتا اور نہ بند کرتا ہوں مگر يہ کہ مجھے اس چيز کے کرنے کا حکم ديا جاتا ہے پس ميں اس (حکم خداوندي) کي اتباع کرتا ہوں۔(المستدرک للحاکم، 3 : 125)

حضور صلي اللہ عليہ وآلہ وسلم نے فرمايا کہ ميں وہي فيصلے کرتا ہوں جن کا مجھے حکم ديا جاتا ہے۔ حکمت اس ميں يہ تھي کہ جب کسي پر غسل واجب ہو گا اور وہ غسل کے لئے گھر سے نکلے گا تو ايسي حالت ميں مسجد نبوي ميں قدم رکھے گا اور مسجد کا تقدس مجروح ہو گا، غسل واجب ہو تو صرف دو افراد مسجد ميں قدم رکھ سکتے ہيں ايک محمد مصطفيٰ صلي اللہ عليہ وآلہ وسلم اور دوسرے علي مرتضيٰ رضي اللہ عنہ۔ حديث پاک ميں آتا ہے :
4.
عن ابي سعيد قال قال رسول الله صلي الله عليه وآله وسلم لعلي يا علي لا يحل لاحد ان يجنب في هذا المسجد غيري و غيرک
حضرت ابو سعيد خدري رضي اللہ عنہ روايت کرتے ہيں کہ حضور صلي اللہ عليہ وآلہ وسلم نے حضرت علي (ع) سے فرمايا اے علي ميرے اور تمہارے سوا کسي کے لئے جائز نہيں کہ اس مسجد (نبوي) ميں حالت جنابت ميں رکھے۔
يہ اس لئے کہ حضرت علي کرم اللہ وجہہ کا حضور نبي رحمت صلي اللہ عليہ وآلہ وسلم کے جسم اطہر اور روح اقدس سے ظاہري بھي اور باطني بھي ايک خاص تعلق قائم ہو چکا تھا۔
اس حديث کو جن اجل ائمہ کرام نے اپني کتب ميں روايت کيا ہے وہ مندرجہ ذيل ہيں۔
1.
مسند ابي يعلي، 2 : 311، ح : 1042
2.
مجمع الزوائد، 9 : 115
3.
المعجم الکبير الطبراني، 2 : 246، ح : 2031
4.
مسند احمد بن حنبل، 1 : 175
5.
مسند احمد بن حنبل، 1 : 331
6.
مسند احمد بن حنبل، 2 : 26
7.
مسند احمد بن حنبل، 4 : 369
8.
کنزالعمال، 11 : 598، فضائل علي رضي الله عنه، رقم حديث : 32877
منافق کي نشاني
حديث ميں آتا ہے :
5.
عن زر قال قال علي والذي فلق الحبة و برالنسمة انه لعهد النبي صلي الله عليه وآله وسلم الي ان لا يحبني الا مومن ولا يبغضني الا منافق
حضرت علي (ع) بيان کرتے ہيں کہ قسم ہے اس ذات کي جس نے دانہ چيرا اور جس نے جانداروں کو پيدا کيا رسول اللہ صلي اللہ عليہ وآلہ وسلم نے مجھ سے وعدہ فرمايا تھا کہ مجھ سے صرف مومن ہي محبت کرے گا اور صرف منافق مجھ سے بغض رکھے گا۔(صحيح مسلم، 1 : 60)
حضرت علي شير خدا نے فرمايا کہ حضور رحمت عالم صلي اللہ عليہ وآلہ وسلم کا ارشاد گرامي ہے کہ علي! مجھے اس رب کي قسم ہے جس نے مخلوق کو پيدا کيا کہ سوائے مومن کے تجھ سے کوئي محبت نہيں کر سکتا اور سوائے منافق کے کوئي تجھ سے بغض نہيں رکھ سکتا۔
6
۔ ام المومنين حضرت سلمہ رضي اللہ عنہا فرماتي ہيں کہ :
کان رسول الله صلي الله عليه وآله وسلم يقول لا يحب عليا منافق ولا يبغضه مومن
حضور صلي اللہ عليہ وآلہ وسلم يہ ارشاد فرمايا کرتے تھے کہ کوئي منافق علي (ع) سے محبت نہيں کر سکتا اور کوئي مومن علي (ع) سے بغض نہيں رکھ سکتا۔(جامع الترمذي، 2 : 213)
ہم نے ان فرامين رسول کو بھلا ديا ہے، ہم نے خود کو شيعہ سني کے خانوں ميں تقسيم کر رکھا ہے، ہم اپنے آنگنوں ميں نفرت کي ديواريں تعمير کر رہے ہيں حالانکہ شيعہ سني جنگ کا کوئي جواز ہي نہيں۔ علمي اختلافات کو علمي دائرے ميں ہي رہنا چاہئے، انہيں نفرت کي بنياد نہيں بننا چاہئے، مسجديں اور امام بارگاہيں مقتلوں ميں تبديل ہو رہي ہيں مسلک کے نام پر قتل و غارتگري کا بازار گرم ہے، بھائي بھائي کا خون بہا رہا ہے اب نفرت اور کدورت کي ديواروں کو گر جانا چاہئے، ہر طرف اخوت اور محبت کے چراغ جلنے چاہئيں، حقيقت ايمان کو سمجھنا ہر مسلمان پر فرض ہے۔ تاجدار کائنات صلي اللہ عليہ وآلہ وسلم کي زوجہ محترمہ ام المومنين حضرت ام سلميٰ رضي اللہ عنہ کي زباني رسول خدا صلي اللہ عليہ وآلہ وسلم کے اس فرمان سے بڑھ کر بڑي شہادت اور کيا ہوتي۔ چنانچہ حق و باطل کے درميان يہي کيفيت صحابہ کرام کا معيار تھي۔
يہاں اس امر کي وضاحت ضروري ہے کہ جتني احاديث روايت کي گئي ہيں پاکي جائيں گي سب صحاح ستہ اور اہل سنت کي ديگر کتب احاديث سے لي گئي ہيں يہ اس لئے تاکہ معلوم ہوکہ شيعہ اور سني بھائيوں کے درميان اختلافات کي جو خليج حائل کر دي گئي ہے وہ سراسر بے بنياد ہے فکري مغالطوں اور غلط فہميوں کے سوا ان ميں کچھ بھي نہيں۔ حديث پاک ميں آتا ہے :
7.
عن ابي سعيد الخدري رضي الله عنه قال ان کنا لنعرف المنافقين نحن معشر الانصار ببغضهم علي ابن طالب
حضرت ابو سعيد خدري رضي اللہ عنہ سے روايت ہے وہ کہتے ہيں کہ ہم لوگ انصار ميں سے ہيں۔ ہم منافقوں کو حضرت علي (ع) کے ساتھ بغض و عداوت کي وجہ سے پہچانتے ہيں۔(جامع الترمذي، 2، 213)
فرمايا کہ اپنے دور ميں ہميں اگر کسي منافق کي پہچان کرني ہوتي تو يہ پہچان حضرت علي (ع) کے بغض سے کر ليتے جس کے دل ميں حضرت علي شير خدا رضي اللہ عنہ کا بغض ہوتا صحابہ رضي اللہ عنہ پہچان ليتے کہ وہ منافق ہے اس لئے کہ صحابہ رضي اللہ عنہ بھي جانتے تھے کہ ولايت مصطفيٰ صلي اللہ عليہ وآلہ وسلم کا سلسلہ علي شير خدا رضي اللہ عنہ سے چلے گا۔ اس مفہوم کي ديگر روايات مندرجہ ذيل کتب ميں بھي منقول ہيں۔
1.
سنن نسائي، 8 : 116، کتاب الايمان، باب علامة الايمان
2.
سنن نسائي، 8 : 117، کتاب الايمان، باب علامة المنافق
3.
سنن ابن ماجه، 1 : 42، المقدمه، فضل علي رضي الله عنه بن ابي طالب رضي الله عنه، ح : 131
4.
مسند احمد بن حنبل، 1 : 84، 95، 128
5.
مسند ابي يعلي، 1 : 251، ح : 291
6.
مسند الحميدي، 1 : 31، ح : 58
7.
المعجم الاوسط لطبراني، 3 : 89، ح : 2177
8.
مسند ابي يعلي، 3 : 179، ح : 1602
9.
مجمع الزوائد، 9 : 132
10.
مسند احمد بن حنبل، 6 : 292
علي مجھ سے اور ميں علي سے ہوں
8
۔ بخاري شريف ميں حضرت براء رضي اللہ عنہ کي ايک روايت ہے وہ فرماتے ہيں کہ حضور نبي اکرم صلي اللہ عليہ وآلہ وسلم نے حضرت علي (ع) سے فرمايا :
انت مني و انا منک(صحيح البخاري، 2 : 610)
اے علي تو مجھ سے ہے اور ميں تجھ سے ہوں۔
فرمايا تاجدار کائنات صلي اللہ عليہ وآلہ وسلم نے کہ علي! اعلان کر دو کہ دنيا والے جان ليں کہ علي (ع) مجھ سے ہے اور ميں علي سے ہوں، حضرت امام حسين رضي اللہ عنہ کے بارے ميں يہ روايت عام ہے :
عن يعلي بن مرة قال قال رسول الله صلي الله عليه وآله وسلم عليه السلام حسين مني و انا من حسين، احب الله من احب حسينا حسين سبط من الاسباط
حضرت يعلي بن مرۃ سے مروي ہے کہ رسول اللہ صلي اللہ عليہ وآلہ وسلم نے فرمايا حسين مجھ سے ہے اور ميں حسين سے ہوں۔ اللہ اس شخص سے محبت کرتا ہے جس نے حسين سے محبت کي حسين نواسوں ميں ايک نواسا ہے۔(جامع الترمذي، 2 : 29)
جبکہ مذکورہ بالا روايت ميں يہي بات حضرت علي کے بارے ميں ارشاد فرمائي ميں علي سے ہوں اور علي مجھ سے ہے۔ اب تو غلط فہميوں کا گرد و غبار چھٹ جانا چاہئے، محبت کي ايک نئي صبح کا سورج طلوع ہونا چاہئے، مسالک کو ختم کرنا ممکن نہيں ليکن مسالک کے نام پر نفرتوں کي تقسيم کا کاروبار تو بند ہونا چاہئے، حديث مذکورہ کا مطلب ہے کہ علي! تو ميرا مظہر ہے اور ميں تيرا مظہر ہوں، تيرا صدور مجھ سے ہے اور ميرا ظہور تجھ سے ہے۔ ديگر بہت سے ائمہ حديث نے بھي اس مفہوم کي روايات بيان کي ہيں مثلا۔
1.
سنن الترمذي، 5 : 635، کتاب المناقب، باب 21، ح : 3716
2.
المستدرک للحاکم، 3 : 110، 111، 120
3.
المعجم الکبير لطبراني، 1 : 318، ح : 941
4.
المعجم الکبير للطبراني، 4 : 16، ح : 13، 12، 3511
5.
مسند احمد بن حنبل، 4 : 438
علي کرم اللہ وجھہ شہر علم و حکمت کا دروازہ
ايک حديث عام ہے کہ تاجدار کائنات حضور رحمت عالم صلي اللہ عليہ وآلہ وسلم نے فرمايا کہ ميں علم کا شہر ہوں اور علي اس کا دروازہ ہے۔ مکمل حديث يوں ہے :
9.
عن ابن عباس رضي الله عنه انه قال النبي صلي الله عليه وآله وسلم انا مدينة العلم و علي بابها فمن اراد العلم فليات الباب
حضرت ابن عباس رضي اللہ عنہ سے روايت ہے کہ حضور نبي کريم صلي اللہ عليہ وآلہ وسلم نے فرمايا ميں شہر علم ہوں اور علي اس کا دروازہ ہيں پس جو کوئي علم کا ارادہ کرے وہ دروازے کے پاس آئے۔
1.
المعجم الکبير لطبراني، 11 : 55
2.
مستدرک للحاکم، 3 : 126 - 127، رح : 11061
3.
مجمع الزوائد، 9 : 114
حديث پاک کا دوسرا حصہ کہ پس جو کوئي علم کا ارادہ کرے وہ دروازے کے پاس آئے، بہت کم بيان کيا جاتا ہے۔ ارشاد کا مدعا يہ ہے کہ جس کو مصطفيٰ صلي اللہ عليہ وآلہ وسلم کا علم درکار ہے وہ علي کے دروازے پر آئے يہ در چھوڑ کر کوئي علم مصطفيٰ صلي اللہ عليہ وآلہ وسلم کي دہليز کو نہيں پا سکتا۔
10
۔ اسي طرح ايک روايت ہے کہ :
عن علي رضي اﷲ عنه قال قال رسول اﷲ صلي الله عليه وآله وسلم انا دارالحکمة و علي بابها
حضرت علي (ع) سے مروي ہے کہ حضور نبي اکرم صلي اللہ عليہ وآلہ وسلم نے فرمايا ميں حکمت کا گھر ہوں اور علي اس کا دروازہ ہيں۔
1.
جامع الترمذي، 5 : 637، کتاب المناقب باب 21
2.
کنز العمال، 13، 147، ح : 36462
علي کا ذکر عبادت ہے
اصحاب رسول اخوت و محبت کے لازوال رشتے ميں بندھے ہوئے تھے، يہ عظيم انسان حضور کے براہ راست تربيت يافتہ تھے ان کي شخصيت کي تعمير اور کردار کي تشکيل خود معلم اعظم حضور سرور کونين صلي اللہ عليہ وآلہ وسلم نے فرمائي تھي، حکمت اور دانائي حضور صلي اللہ عليہ وآلہ وسلم کے صحابہ کرام کے گھر کي باندي تھي، ايثار و قرباني کا جذبہ ان کے رگ و پے ميں موجزن تھا۔ مواخات مدينہ کي فضا سے اصحاب رسول کبھي باہر نہ آ سکے يہ فضا اخوت و محبت کي فضا تھي، بھائي چارے کي فضا تھي۔ محبت کي خوشبو ہر طرف ابر کرم کي طرح برس رہي تھي، صحابہ کرام اور اہل بيت اطہار ميں کوئي فرق نہ تھا۔ اعتماد اور احترام کے سرچشمے سب کي روحوں کو سيراب کر رہے تھے اور عملاً ثابت ہو رہا تھا کہ فکري اور نظرياتي رشتے خون کے رشتوں سے زيادہ مستحکم اور پائيدار ہوتے ہيں۔ غلط فہميوں پر مبني تفريق و دوري کي خودساختہ کہانياں بعد ميں تخليق کي گئيں۔ جنگ جمل کے تلخ واقع کو ذھن ميں رکھتے ہوئے عام طور پر بعض کوتاہ انديش يہ سمجھتے ہيں کہ ام المؤمنين سيدہ عائشہ رضي اللہ عنہا اور حضرت علي کرم اللہ وجہہ الکريم کے درميان بغض وعداوت کي بلند و بالاديواريں قائم رہيں، حالانکہ حقيقت اس کے برعکس ہے، جنگ جمل کے اسباب کچھ اور تھے جو اس وقت ہمارے موضوع سے خارج ہيں ليکن ان دونوں عظيم ہستيوں ميں مخاصمت کے افسانے تراشنے والوں کو اس روايت پر غور کرناچاہيے۔
11.
عن عائشه انه قال ذکر علي عبادة
حضرت عائشہ صديقہ رضي اللہ عنہ سے مروي ہے کہ حضور نبي کريم صلي اللہ عليہ وآلہ وسلم نے فرمايا حضرت علي کا ذکر عبادت ہے۔
1.
فردوس الاخبار للديلمي، 2 : 367، ح : 2974
2.
کنزالعمال، 11 : 601، ح : 32894
گھر ميں تاجدار کائنات صلي اللہ عليہ وآلہ وسلم اور حضرت عائشہ صديقہ رضي اللہ عنہا کے سوا کوئي تيسرا شخص موجود نہ تھا، حضرت عائشہ رضي اللہ عنہا تنہا فرمان رسول صلي اللہ عليہ وآلہ وسلم سن رہي تھيں اگر چاہتيں تو باہر کسي سے بيان نہ کرتيں۔ دل ميں (خدانخواستہ) کھوٹ يا ميل ہوتا تو چپ سادھ ليتيں اور يہ حديث چھپا ليتيں کہ اس ميں حضرت علي (ع) کي فضيلت کا بيان ہے۔ ليکن بلا کم و کاست فرمان رسول نقل کر ديا کيونکہ حقيقت چھپا کر رکھنا منافقت کي علامت ہے اور اللہ تعاليٰ نے صحابہ کرام اور اہلبيت اطہار کو بغض و منافقت جيسي روحاني بيماريوں سے کليتاً صاف فرمايا تھا۔
اللہ کي عزت کي قسم اگرکسي کي ساري رات حب علي ميں علي علي کرتے گزر گئي تو خدا کے حضور يہ ورد عبادت ميں شمار ہو گا کيونکہ رحمت عالم صلي اللہ عليہ وآلہ وسلم کے بيان کے مطابق علي کا ذکر عبادت ہے۔
چہرہ علي (ع) کو ديکھنا بھي عبادت
12
۔ اسي طرح ام المؤمنين سيدہ عائشہ صديقہ رضي اللہ عنہا ہي روايت کرتي ہيں۔
کان ابوبکر يکثر النظر الي وجه علي فساله عائشة فقال سمعت رسول الله صلي الله عليه وآله وسلم النظر الي وجه علي عبادة
حضرت ابوبکر صديق رضي اللہ عنہ بڑي کثرت کے ساتھ حضرت علي (ع) کے چہرے کو ديکھتے رہتے تھے۔ حضرت عائشہ رضي اللہ عنہا نے ان سے اس بارے ميں پوچھا تو آپ نے فرمايا کہ ميں نے حضور نبي اکرم صلي اللہ عليہ وآلہ وسلم سے سنا ہے کہ حضرت علي کے چہرے کو ديکھنا عبادت ہے۔
(
الصواعق المحرقه، 177)
13
۔ اسي طرح ايک اور روايت ہے :
عن عبدالله عن النبي صلي الله عليه وآله وسلم قال النظر الي وجه علي عبادة
حضرت عبداللہ ابن مسعود رضي اللہ عنہ سے مروي ہے کہ حضور نبي کريم صلي اللہ عليہ وآلہ وسلم نے فرمايا کہ حضرت علي کے چہرے کي طرف ديکھنا عبادت ہے۔
1.
المستدرک للحاکم، 3 : 141 - 142
2.
المعجم الکبير للطبراني، 10 : 77، ح، 32895
3.
فردوس الاخبار للديلمي، 5 : 42، ح : 1717
4.
کنز العمال، 11 : 60، ح : 32895
5.
مجمع الزوائد، 9 : 111، 119
يار غار حضرت ابوبکر صديق رضي اللہ عنہ فرماتے ہيں کہ علي کے چہرے کو ديکھنا عبادت ہے۔ ام المومنين حضرت عائشہ صديقہ رضي اللہ عنہا کا بيان ہے کہ حضرت علي شير خدا کا ذکر جميل بھي عبادت ہے پھر ابوبکر کے ماننے والوں اور حضرت علي کے پيروکاروں ميں يہ دورياں کيوں؟ يہ فاصلے کيوں؟ علي کو ماننے والو! تم ابوبکر کو ماننے والوں سے دور کيوں ہو گئے ہو؟
ان مقدس ہستيوں ميں کوئي مغائرت اور دوري نہيں تھي وہ توايک ہي مشعل کي نوراني کرنيں تھيں مگر آج مسلمانوں نے خود ساختہ ترجيحات نکال نکال کر کئي گروہ تشکيل دے رکھے ہيں اور آئے روز ان کے درميان خون ريزي کا بازار گرم رہتا ہے۔
اے گرفتارِ ابوبکر و علي ہوشيار باش
حضرت علي (رض) مولائے کائنات
چونکہ ولايت مصطفيٰ صلي اللہ عليہ وآلہ وسلم کا فيض حضرت علي سے چلنا تھا اور ’’ذبح عظيم،، حسين کو ہونا تھا اس لئے ضروري تھا کہ ولايت مصطفيٰ صلي اللہ عليہ وآلہ وسلم، ولايت علي شير خدا بن جائے اور ولايت علي شير خدا ولايت مصطفيٰ صلي اللہ عليہ وآلہ وسلم تصور کي جائے۔ روايت کے آئينہ خانے ميں ايک اور عکس ابھرتا ہے غبار نفاق چھٹ جاتا ہے اور حقائق کا چہرہ مزيد اجلا ہو جاتا ہے :
1.
عن رياح بن الحرث قال جاء رهط الي علي بالرحبط فقالوا السلام عليکم يا مولانا قال کيف اکون مولا کم و انتم قوم عرب قالوا سمعنا رسول الله صلي الله عليه وآله وسلم يو غديرخم يقول من کنت مولاه فان هذا مولاه
حضرت رياح بن حرث رضي اللہ عنہ روايت کرتے ہيں کہ ايک گروہ حضرت علي کے پاس رحبط کے مقام پر آيا انہوں نے کہا اے ہمارے مولا تجھ پر سلام ہو آپ نے فرمايا ميں کيسے تمہارا مولا ہوں جبکہ تم عرب قوم ہو انہوں نے کہا کہ ہم نے ’’غديرخم،، کے مقام پر حضور نبي کريم صلي اللہ عليہ وآلہ وسلم سے سنا ہے کہ جس کا ميں ولي ہوں اس کا يہ (علي) مولا ہے۔
(
مسند احمدبن حنبل، 5 : 419)
حضور نبي کريم صلي اللہ عليہ وآلہ وسلم نے حضرت علي کا ہاتھ پکڑ کر بلند کيا اور فرمايا کہ جس کا ميں ولي ہوں علي اس کا مولا ہے۔
15
۔ ايک دوسرے مقام پر آتا ہے :
عن زيد بن ارقم عن النبي صلي الله عليه وآله وسلم قال من کنت مولاه فعلي مولاه
حضرت زيد بن ارقم رضي اللہ عنہ سے مروي ہے کہ نبي کريم صلي اللہ عليہ وآلہ وسلم نے فرمايا ميں جس کا مولا ہوں اس کا علي مولا ہے۔(جامع الترمذي، 2 : 213)
پہلے تاجدار عرب و عجم نے فرمايا کہ جس کا ميں ولي ہوں علي اس کا مولا ہے پھر فرمايا جس کا ميں مولا ہوں اس کا علي بھي مولا ہے۔ نبي ہونے اور نبي کا امتي ہونے کا فرق رہتا ہے ليکن دوئي کا ہر تصور مٹ جاتا ہے اس لئے کہ باطل دوئي پسند اور حق لا شريک ہے۔ پھر حضور صلي اللہ عليہ وآلہ وسلم نے بارگاہ خداوندي ميں دعا کے لئے ہاتھ اٹھا ديئے اور فرمايا ميرے اللہ جو علي کو ولي جانے تو اس کا ولي بن جا يعني جو علي سے دوستي کرے تو بھي اس کا دوست بن جا اور جو علي سے دشمني کرے تو بھي اس کا دشمن ہو جا، جو علي کي مدد کرے تو بھي اس کي مدد کر اور جو علي کے ساتھ ہے تو بھي اس کے ساتھ ہو جا، ذيل ميں متعلقہ حديث پاک درج کي جا رہي ہے:
16.
عن عمرو بن ذي مرو زيد بن أرقم قالا خطب رسول الله صلي الله عليه وآله وسلم يوم غديرخم فقال من کنت مولاه فعلي مولاه اللهم وال من والاه و عاد من عاده وانصرمن نصره و اعن من اعانه
حضرت عمرو بن ذي مرو اور حضرت زيد بن ارقم رضي اللہ عنہ سے روايت ہے وہ کہتے ہيں کہ حضور نبي کريم صلي اللہ عليہ وآلہ وسلم نے يوم غديرخم کے موقع پر خطبہ ارشاد فرمايا کہ جس کا ميں ولي ہوں علي اس کے ولي ہيں۔ ’’ اے اللہ تو اس سے الفت رکھ جو علي سے الفت رکھتا ہے اور تو اس سے عداوت رکھ جو اس سے عداوت رکھتا ہے اور تو اس کي مدد کر جو اس کي مدد کرتا ہے اور اس کي اعانت کر جو علي کي اعانت کرتا ہے۔،،المعجم الکبير للطبراني، 4 : 17، ح : 3514
گويا حضرت علي کے چہرہ انور کو ديکھتے رہنا بھي عبادت، ان کا ذکر بھي عبادت، حضور فرماتے ہيں کہ علي تو مجھ سے ہے اور ميں تجھ سے ہوں ارشاد ہوا کہ جس کا ولي ميں ہوں علي اس کا مولا ہے پھر ارشاد ہوا کہ جس کا ميں مولا علي بھي اس کا مولا اور يہ کہ ميں شہر علم ہوں اور علي اس کا دروازہ، علم کا حصول اگر چاہتے ہو تو علي کے دروازے پر آ جاؤ اور دوستي اور دشمني کا معيار بھي علي ٹھہرے۔
17.
عن ابي طفيل قال جمع علي رضي الله عنه الناس في الرحبة ثم قال لهم انشد الله کل امرئي مسلم سمع رسول الله صلي الله عليه وآله وسلم يقول يوم غديرخم ماسمع لما قام فقام تلاثون من الناس و قال ابو نعيم فقام ناس کثير فشهدوا حين اخد بيده فقال للناس اتعلمون اني اولي بالمومنين من انفسهم قالوا نعم يا رسول الله قال من کنت مولاه فهذا علي مولاه اللهم وال من والاه و عاد من عاداه
حضرت ابي طفيل رضي اللہ عنہ روايت کرتے ہيں کہ حضرت علي (ع) کے پاس رحبہ کے مقام پر بہت سارے لوگ جمع تھے ان ميں سے ہر ايک نے قسم کھا کر کہا کہ ہم ميں سے ہر شخص نے حضور نبي کريم صلي اللہ عليہ وآلہ وسلم سے سنا ہے کہ آپ نے غديرخم کے موقع پر خطاب فرمايا جس کو وہاں کھڑے ہوئے تيس آدميوں نے سنا۔ ابو نعيم نے کہا کہ بہت سارے لوگ جمع تھے انہوں نے گواہي دي کہ جب حضور نبي اکرم صلي اللہ عليہ وآلہ وسلم نے حضرت علي کا ہاتھ پکڑ کر لوگوں سے فرمايا کہ کيا تم جانتے نہيں کہ ميں مومنين کي جانوں سے بھي زيادہ قريب ہوں انہوں نے کہا ہاں يا رسول اللہ صلي اللہ عليہ وآلہ وسلم۔ آپ صلي اللہ عليہ وآلہ وسلم نے فرمايا جس کا ميں ولي ہوں اس کا علي ولي ہے اے اللہ تو بھي الفت رکھ جو اس سے الفت رکھتا ہے اور تو اس سے عداوت رکھ جو اس کے ساتھ عداوت رکھتا ہے۔(مسند احمد بن حنبل، 4 : 370)
اصحاب بدر کي گواہي
روايات ميں مذکور ہے کہ ان تيس صحابہ ميں اصحاب بدر بھي موجود تھے، غزوہ بدر ميں شريک ہونے والوں نے بھي گواہي دي کہ حضور صلي اللہ عليہ وآلہ وسلم نے فرمايا تھا اور ہم نے سنا تھا اور ديکھا کہ حضور صلي اللہ عليہ وآلہ وسلم نے حضرت علي کا ہاتھ پکڑ کر اونچا کيا اور ہم سب سے کہا تھا کہ مسلمانو! کيا تم نہيں جانتے کہ ميں مسلمانوں کي جانوں سے بھي زيادہ قريب تر ہوں؟ صحابہ کرام نے عرض کيا سچ فرمايا يا رسول اللہ صلي اللہ عليہ وآلہ وسلم آپ نے، آپ ہم سب کي جانوں سے بھي قريب تر ہيں، فرمايا مجھے عزيز رکھنے والو سنو! ميں اس کا عزيز ہوں جو علي کو عزيز رکھتا ہے جس کا ميں مولا ہوں اس کا علي بھي مولا ہے، اے مالک! تو بھي اس کا ولي بن جا جو علي کو ولي جانے۔
18.
عن زياد بن ابي زياد سمعت علي بن ابي طالب ينشد الناس فقال انشد الله رجلا مسلما سمع رسول الله صلي الله عليه وآله وسلم يقول يوم غديرخم ما قال فقام اثنا عشر بدر يا فشهدوا
حضرت زياد بن ابي زياد نے حضرت علي سے سنا کہ جو لوگوں سے گفتگو فرما رہے تھے کہ ميں اللہ کي قسم کھا کر کہتا ہوں کہ جو کچھ ميں نے غديرخم کے موقع پر حضور نبي کريم صلي اللہ عليہ وآلہ وسلم سے سنا وہ سچ ہے اور اس چيز کي بارہ بدري صحابہ نے کھڑے ہو کر گواہي دي۔(مسند احمد بن حنبل، 1 : 88)
اس حديث کو روايت کرنے والوں ميں حضرت ابوہريرہ، حضرت انس بن مالک، حضرت عبداللہ بن عمر، حضرت عبداللہ بن عباس، حضرت مالک بن حويرث، ابو سعيد خدري، حضرت عمار بن ياسر، حضرت براء بن عازب، عمر بن سعد، عبداللہ ابن مسعود، حضرت زيد بن ارقم رضي اللہ عنہم جيسے جليل القدر صحابہ کے اسمائے گرامي شامل ہيں۔
جو شخص ولايت علي کا منکر ہے وہ نبوت مصطفيٰ صلي اللہ عليہ وآلہ وسلم کا منکر ہے، جو فيض علي کا منکر ہے وہ فيض مصطفيٰ صلي اللہ عليہ وآلہ وسلم کا بھي منکر ہے جو نسبت علي کا منکر ہے، وہ نسبت مصطفيٰ صلي اللہ عليہ وآلہ وسلم کا منکر ہے، جو قربت علي کا باغي ہے وہ قربت رسول صلي اللہ عليہ وآلہ وسلم کا باغي ہے، جو حب علي کا باغي ہے وہ حب مصطفيٰ صلي اللہ عليہ وآلہ وسلم کا بھي باغي ہے اور جو مصطفيٰ صلي اللہ عليہ وآلہ وسلم کا باغي ہے وہ خدا کا باغي ہے۔
19
۔ فرمايا رسول محتشم نے :
عن عمار بن ياسر قال قال رسول الله صلي الله عليه وآله وسلم اوصي من آمن بي وصدقني بو لاية علي بن ابي طالب من تولاه فقدتولاني ومن تولاني فقد تولي الله عزوجل ومن احبه فقد اجني
حضرت عمار بن ياسر سے مروي ہے کہ رسول اللہ صلي اللہ عليہ وآلہ وسلم نے فرمايا جو شخص مجھ پر ايمان لايا اور جس نے ميري نبوت کي تصديق کي ميں اس کو وصيت کرتا ہوں کہ وہ علي کي ولايت کو مانے جس نے علي کي ولايت کو مانا اس نے ميري ولايت کو مانا اور جس نے ميري ولايت کو مانا اس نے اللہ عزوجل کي ولايت کو مانا۔
حضور اکرم صلي اللہ عليہ وآلہ وسلم نے فرمايا جو شخص قيامت تک مجھ پر ايمان لايا اور جس نے ميري نبوت کي تصديق کي ميں اس کو وصيت کرتا ہوں کہ وہ علي کي ولايت کو مانے۔ علي وصيت مصطفيٰ صلي اللہ عليہ وآلہ وسلم ہے، ولايت علي وصيت مصطفيٰ صلي اللہ عليہ وآلہ وسلم ہے، حضور عليہ السلام نے فرمايا جس نے علي کي ولايت کو مانا اس نے ميري ولايت کو مانا جس نے ميري ولايت کو مانا اس نے اللہ کي ولايت کو مانا، جس نے علي سے محبت کي اس نے مجھ سے محبت کي۔ جس نے مجھ سے محبت کي اس نے خدا سے محبت کي، جس نے علي سے بغض رکھا اس نے مجھ سے بغض رکھا اور جس نے مجھ سے بغض رکھا اس نے اللہ سے بغض رکھا۔
20.
ومن احبني فقد احب الله تعالي ومن ابغضه فقد ابغضي ومن ابغضي فقد ابغض الله عزوجل
اور جس نے علي سے محبت کي اس نے مجھ سے محبت کي جس نے مجھ سے محبت کي اس نے خدا سے محبت کي جس نے علي سے بغض رکھا اس نے مجھ سے بغض رکھا جس نے مجھ سے بغض رکھا اس نے اللہ سے بغض رکھا۔(مجمع الزوائد، 9 : 109)
اسي مفہوم کي ديگر روايات مندرجہ ذيل کتب ميں ملاحظہ کريں۔
1.
مسند احمد بن حنبل، 1 : 84
2.
مسند احمد بن حنبل، 1 : 119
3.
مسند احمد بن حنبل، 4 : 370
4.
ابن ماجه المقدمه : 43، باب 11 فضل علي ابن ابي طالب، ح : 116
5.
المعجم الکبري للطبراني، 2 : 357، ح : 2505
6.
المعجم الکبري للطبراني، 4 : 173، ح : 4052
7.
المعجم الکبري للطبراني، 4 : 174، ح : 4053
8.
المعجم الکبري للطبراني، 5 : 192، ح : 4059
9.
المعجم الاوسط لطبراني، 3 : 69، ح : 2131
10.
المعجم الکبري الاوسط لطبراني، 3 : 100، ح : 2204
11.
المعجم الصغير، 1 : 64
12.
مسند ابي يعلي، 1 : 428، 429، ح : 567
13.
مسند ابي يعلي، 2 : 80 - 81، ح : 458
14.
مسند ابي يعلي، 2 : 87، ح : 464
15.
مسند ابي يعلي، 2 : 105، ح : 479
16.
مسند ابي يعلي، 2 : 105، ح : 480
17.
م سند ابي يعلي، 2 : 274، ح : 454
18.
مسند ابي يعلي، 3 : 139، ح : 937
19.
کنز العمال، 13 : 154، ح : 3648
20.
کنز العمال، 13 : 157، ح : 36486
21.
کنز العمال، 13 : 158، ح : 36487
22.
مجمع الزوائد، 9 : 106، 107
23.
موارد النعمان، 544، ح : 2205
بغض علي (ع) بغض خداش

21
۔ ام المومنين حضرت ام سلمہ رضي اللہ عنہا کي روايت ملاحظہ فرمائيں :

عن ام سلمه قالت اشهد اني سمعت رسول الله صلي الله عليه وآله وسلم يقول من احب عليا فقد احبني ومن احبني فقد احب اﷲ ومن ابغض عليا فقد ابغضني ومن ابغضني فقد ابغض اﷲ

حضرت ام سلمہ رضي اللہ عنہ سے مروي ہے وہ فرماتي ہيں کہ ميں گواہي ديتي ہوں کہ ميں نے اپنے کانوں سے رسول اللہ صلي اللہ عليہ وآلہ وسلم کو يہ فرماتے ہوئے سنا جس نے علي سے محبت کي اس نے مجھ سے محبت کي اور جس نے مجھ سے محبت کي اس نے اللہ سے محبت کي اور جس نے علي سے بغض رکھا اس نے مجھ سے بغض رکھا اور جس نے مجھ سے بغض رکھا تحقيق اس نے اللہ سے بغض رکھا۔

(
ايضاً : 132)
دونوں جہانوں کے سيد
22.
عن ابن عباس رضي الله عنهما قال نظر النبي صلي الله عليه وآله وسلم الي علي فقال يا علي انت سيد في الدنيا سيد في الاخره حبيبک حبيبي و حبيبي حبيب الله وعدوک عدوي و عدوي عدوالله والويل لمن ابغضک بعدي
حضرت عبداللہ ابن عباس رضي اللہ عنہ سے روايت ہے کہ حضور نبي اکرم صلي اللہ عليہ وآلہ وسلم نے حضرت علي (ع) کي طرف ديکھا اور فرمايا اے علي تو دنيا ميں بھي سيد ہے اور آخرت ميں بھي سيد ہے، جو تيرا حبيب (دوست) ہے وہ ميرا حبيب ہے اور جو ميرا حبيب ہے وہ اللہ کا حبيب ہے، جو تيرا دشمن ہے وہ ميرا دشمن ہے اور جو ميرا دشمن ہے وہ اللہ کا دشمن ہے اور بربادي ہے اس شخص کيلئے جو ميرے بعد تجھ سے بغض رکھے۔(المستدرک للحاکم، 3 : 128)
بڑي واضح حديث ہے فرمايا علي تو دنيا ميں بھي سيد ہے اور آخرت ميں بھي سيد ہے تيرا حبيب ميرا حبيب ہے اور ميرا حبيب خدا کا حبيب، تيرا دشمن ميرا دشمن اور ميرا دشمن خدا کا دشمن، آقائے دوجہاں صلي اللہ عليہ وآلہ وسلم ولايت علي کو ولايت مصطفيٰ صلي اللہ عليہ وآلہ وسلم قرار دے رہے ہيں۔ سوال پيدا ہوتا ہے کيوں؟ يہ حديث اس کي وضاحت کر رہي ہے۔ مسند احمد بن حنبل ميں حضرت بريدہ رضي اللہ عنہ فرماتے ہيں کہ حضور صلي اللہ عليہ وآلہ وسلم نے ايک موقع پر حضرت علي (ع) کے بارے ميں تکرار کے ساتھ فرمايا :
23.
فانه مني و انا منه وهو وليکم بعدي
علي مجھ سے ہے ميں علي سے ہوں ميرے بعد وہ تمہارا ولي ہے۔(مسند احمد بن حنبل، 5 : 356)
24
۔ اور حضرت جابر رضي اللہ عنہ سے حضرت عائشہ رضي اللہ عنہا کي روايت بھي ملاحظہ ہو وہ فرماتے ہيں کہ :
قال قال رسول الله صلي الله عليه وآله وسلم ادعوا لي سيد العرب فقالت عائشة رضي الله عنه الست سيد العرب يا رسول الله فقال انا سيد ولد آدم و علي سيد العرب
حضرت جابر رضي اللہ عنہ سے روايت ہے کہ حضور نبي اکرم صلي اللہ عليہ وآلہ وسلم نے فرمايا کہ عرب کے سردار کو ميرے پاس بلاؤ۔ حضرت عائشہ رضي اللہ عنہا نے کہا کہ کيا آپ عرب کے سردار نہيں ہيں يا رسول اللہ، آپ نے فرمايا کہ ميں اولاد آدم کا سردار ہوں اور علي (ع) عرب کے سردار ہيں۔
1.
مستدرک للحاکم، 3 : 124
2.
مجمع الزوائد، 9 : 116
3.
کنزالعمال، 11 : 619
غوثيت سے قطبيت تک وسيلہ جليلہ
ولايت علي کے فيض کے بغير نہ کوئي ابدال بن سکا اور نہ کوئي قطب ہوسکا۔ ولايت علي کے بغير نہ کسي کوغوثيت ملي اور نہ کسي کو ولايت، حضرت غوث الاعظم جو غوث بنے وہ بھي ولايت علي کے صدقے ميں بنے، امامت، غوثيت، قطبيت، ابداليت سب کچھ ولايت علي ہے، اس لئے آقائے کائنات صلي اللہ عليہ وآلہ وسلم نے فرمايا۔
25.
عن أم سلمه قالت سمعت رسول اﷲ صلي الله عليه وآله وسلم يقول من سبعليا فقدسبني
حضرت ام سلمہ رضي اللہ عنھا سے مروي ہے کہ ميں نے رسول اللہ صلي اللہ عليہ وآلہ وسلم سے سنا آپ صلي اللہ عليہ وآلہ وسلم نے فرمايا(مسند احمد بن حنبل، 6 : 323)( المتدد، للحاکم، 3 : 121)
جس نے علي کو گالي دي اس نے مجھ کو گالي دي۔
اس سے بڑ ھ کردوئي کي نفي کيا ہوگي اور اب اس سے بڑھ کر اپنائيت کا اظہار کيا ہوگا کہ تاجدار کائنات صلي اللہ عليہ وآلہ وسلم نے فرمايا جس نے علي کو گالي دي وہ علي کو نہيں مجھے دي۔
طبراني اور بزار ميں حضرت سلمان سے روايت ہے کہ حضور نبي اکرم صلي اللہ عليہ وآلہ وسلم نے حضرت علي (ع) سے فرمايا
26.
محبک محبي ومبغضک مبغضي
علي تجھ سے محبت کرنے والا ميرا محب ہے اور تجھ سے بغض رکھنے والا مجھ سے بغض رکھنے والا ہے۔المعجم الکبير للطبراني، 6 : 239، رقم حديث : 6097
حديث پاک اپني تشريح آپ ہے۔ اوپر ہم نے اس حوالے سے سيدنا علي کے جو فضائل علي (ع) بيان کئے ہيں وہ محض استشھاد ہيں ورنہ حضرت علي کو رب کائنات اور رسول کائنات نے جو فضيلتيں عطا کيں ان کا احاطہ ممکن نہيں۔
اطاعت علي اطاعت خدا کي ضمانت
27.
عن ابي ذر رضي اﷲ عنه قال قال رسول اﷲ صلي الله عليه وآله وسلم من اطاعني فقد اطاع اﷲ ومن عصاني فقد عصي اﷲ ومن اطاع عليا فقد اطاعنيومن عصي علياً فقد عصاني
حضرت ابوذر رضي اللہ عنہ سے مروي ہے کہا کہ حضور صلي اللہ عليہ وآلہ وسلم نے فرمايا جس نے ميري اطاعت کي اس نے اللہ کي اطاعت کي اور جس نے ميري نافرماني کي اس نے اللہ کي نافرماني کي اور جس نے (حضرت) علي کي اطاعت کي تحقيق اس نے ميري اطاعت کي اور جس نے (حضرت) علي کي نافرماني کي اس نے ميري نافرماني کي۔المستدرک للحاکم، 3 : 121
حضور نبي اکرم صلي اللہ عليہ وآلہ وسلم علي کي نافرماني کو اپني نافرماني بتا رہے ہيں۔ مدعا يہ تھا کہ يہ بات طے پا جائے اور اس ميں کوئي ابہام نہ رہے کہ ولايت مصطفيٰ صلي اللہ عليہ وآلہ وسلم کا فيض حضرت علي (ع) سے چلا ہے اور علي کي اطاعت چونکہ رسول کي اطاعت ہے اور رسول کي اطاعت اللہ کي اطاعت کي ضامن ہے لہذا علي کي اطاعت اطاعت الہٰي کا ذريعہ ہے۔
قرآن اور علي کرم اللہ وجھہ رضي اللہ عنہ
28
۔ حضرت ابوذر رضي اللہ عنہ ہي سے روايت ہے کہ حضور صلي اللہ عليہ وآلہ وسلم نے فرمايا۔
علي مع القرآن والقرآن مع علي لن يتفر قاحتي ير دا علي الحوض
علي قرآن کے ساتھ ہے اور قرآن علي کے ساتھ ہے يہ دونوں (اس طرح جڑے رہيں گے اور) جدا نہيں ہوں گے حتي کہ حوض کوثر پر مل کر ميرے پاس آئيں گے۔(ايضاً، 124)
يہ کہہ کر بات ختم کر دي علي قرآن کے ساتھ ہے اور قرآن علي کے ساتھ، قرآن اللہ رب العزت کي آخري الہامي کتاب ہے۔ حضور صلي اللہ عليہ وآلہ وسلم کو چلتا پھرتا قرآن کہا جاتا ہے اوپر ہم نے ديکھا کہ حضور صلي اللہ عليہ وآلہ وسلم اپني ذات سے علي (ع) کي ذات کو جدا نہيں کرتے۔ يہاں قرآن سے علي کے تعلق کي بھي وضاحت فرمائي کہ قرآن و علي اس طرح جڑے ہوتے ہيں کہ روز جزا بھي يہ تعلق ٹوٹنے نہ پائے گا اور علي اور قرآن اسي حالت ميں ميرے پاس حوض کوثر پر آئيں گے۔
قرابت دارانا ن رسول ہاشمي
29.
صحيح مسلم شريف ميں حضرت سعد بن ابي وقاص رضي اللہ عنہ سے روايت ہے.
ولما نزلت هذه الاية ندع ابناء نا و ابناء کم دعا رسول اﷲ صلي الله عليه وآله وسلم عليا و فاطمة و حسناً و حسيناً فقال اللهم هؤلاء اهلي
جب يہ آيت (مباھلہ) کہ ’’ہم (مل کر) اپنے بيٹوں کو اور تمہارے بيٹوں کو بلاليتے ہيں،، نازل ہوئي تو رسول اﷲ صلي اللہ عليہ وآلہ وسلم نے حضرت علي حضرت فاطمہ، حضرت حسن اور حضرت حسين رضي اللہ عنہم کو جمع کيا اور فرمايا اے اللہ يہ ميرے اہل بيت ہيں۔(الصحيح لمسلم، 2 : 278)
جب آيت مباہلہ نازل ہوئي توحضور عليہ الصلوۃ والسلام نے عيسائيوں کو چيلنج کرتے ہوئے فرمايا کہ
1
۔ ہم اپنے بيٹوں کو لاتے ہيں تم اپنے بيٹوں کو لاؤ۔ 2۔ ہم اپني ازواج کو لاتے ہيں تم اپني عورتوں کو لاؤ۔ بيٹوں کو لانے کا وقت آيا تو حضورعليہ الصلوۃ والسلام نے 1۔ حسن اور حسين رضي اللہ عنہ کو پيش کرديا۔ 2۔ عورتوں کا معاملہ آيا تو حضرت فاطمہ کو پيش کرديا اور اپني جانوں کو لانے کي بات ہوئي تو حضور صلي اللہ عليہ وآلہ وسلم اپنے ساتھ علي (ع) کو لے آئے يعني حضرت علي (ع) کو اپني جان کے درجے پر رکھا۔ آيت اور حديث مبارکہ کے الفاظ پر غور فرمائيں آيت کريمہ ميں فرمايا جا رہا ہے کہ
تعالوا ندع أبناء ناو أبناء کم و نساء نا و نسائکم و أنفسنا و انفسکم
آ جاؤ ہم (مل کر) اپنے بيٹوں کو اور تمہارے بيٹوں کو اور اپني عورتوں کو اور تمہاري عورتوں کو اور اپنے آپ کو بھي اور تمہيں بھي (ايک جگہ پر) بلا ليتے ہيں۔(آل عمران 3 : 61)
حديث پاک ميں فرمايا جا رہا ہے دعا عليا و فاطمۃ و حسنا ًو حسينا ًيعني عليا ً (انفسنا) اور فاطمۃ (نساء نا) اور حسنا ً و حسينا ً(ابناء نا) ہوئے۔ يہ عقيدہ کسي شيعہ کا نہيں اہلنست و الجماعت کا ہے اور جو لوگ اس مغالطے ميں مبتلا ہيں کہ اہلسنت حب علي يا حب اہل بيت اطہار سے عاري ہيں وہ دراصل خود فريبي ميں مبتلا ہيں، اہلسنت سواد اعظم بنتا ہي تب ہے جب ان نقوش قدسيہ سے محبت ان کے عقائد کا مرکز و محور بن جائے۔ سيدنا علي ہوں يا سيدہ کائنات اور حسنين کريمين يہ شجر نبوت کي شاخيں ہيں جن کے برگ و بار سے دراصل گلستان محمدي صلي اللہ عليہ وآلہ وسلم ميں ايمان و عمل کي بہاريں جلوہ فگن ہيں ان سے صرف نظر کر کے يا ان سے بغض و حسد کي بيماري ميں مبتلا کوئي شخص حضور صلي اللہ عليہ وآلہ وسلم کا امتي کہلانے کا حقدار نہيں کجا کہ وہ ايمان اور تقويٰ کے دعوے کرتا پھرے۔
رسول اور علي ايک ہي درخت ہے
30
۔ حضرت جابر بن عبداللہ رضي اللہ عنہ سے روايت ہے کہ
سمعت رسول اﷲ صلي الله عليه وآله وسلم يقول الناس عن شجر شتي و انا و علي من شجرة واحدة
ميں نے رسول اللہ صلي اللہ عليہ وآلہ وسلم سے سنا آپ صلي اللہ عليہ وآلہ وسلم نے فرمايا تمام لوگ جدا جدا درختوں سے ہيں مگر ميں اور علي ايک ہي درخت سے ہيں۔(معجم الاوسط للطبراني، 5 : 89، ح : 4162)
ايک ہي درخت سے ہونے ميں ايک تو نسبتي قربت کا اظہار ہو رہا ہے، دوسري قربت وہ نظرياتي کومٹ منٹ تھي جو اسلام کے دامن رحمت ميں آنے اور براہ راست شہر علم کے علم حکمت اور دانائي کے چراغوں سے روشني کشيد کرنے کے بعد حاصل ہوئي۔
31.
عن علي رضي اﷲ عنه إبن أبي طالب ان النبي صلي الله عليه وآله وسلم أخذ بيد حسن و حسين فقال من احبني و احب هذين و اباهما و امها کان معي في درجتي يوم القيامة
حضرت علي (ع) سے روايت ہے بے شک حضور صلي اللہ عليہ وآلہ وسلم نے حضرت حسن و حسين رضي اللہ عنہ کا ہاتھ پکڑا اور فرمايا جس نے مجھ سے محبت کي اور ان دونوں سے اور ان کے ماں باپ سے محبت کي وہ قيامت کے روز ميرے ساتھ ميري قربت کے درجہ ميں ہو گا۔( جامع الترمذي، 5 : 642، ح : 3733)
فرشتوں کي نصرت
32.
عن ابي رافع ان رسول الله صلي الله عليه وآله وسلم بعث عليا مبعثا فلما قدم قال له رسول الله صلي الله عليه وآله وسلم اﷲ و رسوله و جبريل عنک رضوان
حضرت ابو رافع رضي اللہ عنہ سے روايت ہے بے شک نبي کريم صلي اللہ عليہ وآلہ وسلم نے حضرت علي (ع) کو ايک جگہ بھيجا جب وہ واپس تشريف لائے تو حضور صلي اللہ عليہ وآلہ وسلم نے ان کو فرمايا اللہ تعالي اور اس کے رسول صلي اللہ عليہ وآلہ وسلم اور جبريل امين آپ سے راضي ہيں۔(المعجم الکبير، 1 : 319)
33.
خطب الحسن بن علي حين قتل علي فقال يا اهل الکوفه او يا اهل العراق لقد کان بين اظهرکم رجل قتل الليلة او اصيب اليوم ولم يسبقه الاولون بعلم ولو يدرکه الاخرون کان النبي صلي الله عليه وآله وسلم اذا بعثه في سرية کان جبريل عن يمينه و ميکائيل عن يساره فلا يرجع حتي يفتح اﷲ عليه
حضرت حسن بن علي نے حضرت علي کي شہادت کے موقع پر خطاب فرمايا اے اہل کوفہ يا اہل عراق تحقيق تم ميں ايک شخصيت تھي جو آج رات قتل کر ديئے گئے يا آج وفات پا جائيں گے۔ نہ کوئي پہلے علم ميں ان سے سبقت لے سکا اور نہ بعد ميں آنے والے ان کو پا سکيں گے۔ حضور صلي اللہ عليہ وآلہ وسلم جب آپ کو کسي سريہ ميں بھيجتے تو حضرت جبرئيل عليہ السلام ان کے دائيں اور حضرت ميکائيل عليہ السلام ان کے بائيں طرف ہوتے، پس آپ ہميشہ فتح مند ہوکر واپس لوٹتے۔(مصنف ابن ابي شيبه، 12 : 60)
جلال نبوي صلي اللہ عليہ وآلہ وسلم کے وقت گفتگو کا يارا
34.
عن ام سلمة رضي الله عنه قالت : کان رسول الله صلي الله عليه وآله وسلم اذا غضب لم يجتري احدان يکلمه الا علي
حضرت ام سلمہ سے روايت ہے آپ فرماتي ہيں کہ جب حضور نبي اکرم صلي اللہ عليہ وآلہ وسلم حالت غضب ميں ہوتے تھے تو کسي ميں يہ جرات نہيں ہوتي تھي کہ وہ آپ صلي اللہ عليہ وآلہ وسلم سے کلام کرے سوائے حضرت علي (ع) کے۔
(2)
المستدرک للحاکم، 3 : 130
علي (ع) کي خاطر سورج کا پلٹنا
35.
عن اسماء بنت عميس رضي الله عنه ان النبي صلي الله عليه وآله وسلم کان يوحي اليه و راسه في حجر علي فلم يصل العصر حتي غربت الشمس فقل النبي صلي الله عليه وآله وسلم اصليت يا علي قال لا فقال اللهم انه کان في طاعتک و طاعة رسولک فاردد عليه الشمس قالت اسمائ رضي الله عنه

 


source : http://shiastudies.net
0
0% (نفر 0)
 
نظر شما در مورد این مطلب ؟
 
امتیاز شما به این مطلب ؟
اشتراک گذاری در شبکه های اجتماعی:

latest article

اہم شیعہ تفاسیر کا تعارف
اردو زبان میں مجلہ ’’نوائے علم‘‘ کا نیا شمارہ ...
آٹھ شوال اہل بیت(ع) کی مصیبت اور تاریخ اسلام کا ...
انسان، صحیفہ سجادیہ کی روشنی میں
نجف اشرف
اذان میں أشھد أن علیًّا ولی اللّہ
انقلاب حسینی کے اثرات وبرکات
اذان ومؤذن کی فضیلت
ہماری زندگی میں صبر اور شکر کی اہمیت
نیکی اور بدی کی تعریف

 
user comment