بین الاقوامی:اٹلی کے شہر سیسیل کے مسلمان اس شہر کی انتظامیہ سے مسجد کی تعمیر کی منظوری لینے میں کامیاب ہوگئے ہیں۔
خبررساں ایجنسی شبستان کی رپورٹ کے مطابق اٹلی کے شہر سیسیل کے مسلمان چند سالوں کی کوششوں کے بعد اس شہر کی انتظامیہ سے مسجد کی تعمیر کی منظوری لینے میں کامیاب ہوگئے ہیں۔ شہر سیسیل کے مئیر نے کہا اس شہر میں مسلمانوں کی تعداد میں دن بدن اضافہ ہورہا ہے۔
اس لئے انہیں عبادت کیلئے مناسب جگہ کی ضرورت ہے اس شہر کے جنوب میں مسجد کی تعمیر کیلئے جگہ مختص کی گئی ہے۔
واضح رہے کہ اٹلی کے سابق وزیر اعظم برلسکونی کے دور حکومت میں اس ملک میں مسجد کی تعمیر بہت مشکل کام تھا۔ مخفی نہ رہے کہ اس وقت اٹلی میں مسلمانوں کی تعداد تقریبا 12 لاکھ افراد ہے۔
source : http://shabestan.net
