حرم تاحرم ہائي وے قم میں حضرت معصومہ سلام اللہ علیھا کے روضہ اقدس سے شروع ہوکر مشہد مقدس میں حضرت امام علی ابن موسی الرضا کے روضہ مبارک تک جاتاہے ۔
اسلامی جمہوریہ ایران کے صدر ڈاکٹر احمدی نژاد نے کہا ہےکہ ہماری ذمہ داری انتظام عالم میں حصہ لیکر ایران کو آباد کرنا اور اسے دنیا کے سامنے نمونہ عمل بناکرپیش کرنا ہے۔
صدر جناب احمدی نژاد نے قم تہران مشہد (حرم تا حرم) ہائي وے کا سنگ بنیاد رکھتے ہوئے کہا کہ دنیا میں بڑی تبدیلیاں آرہی ہیں جسکے پیش نظر دنیا میں نیا منصفانہ نظام قائم کرنے کی ضرورت ہے۔
صدر جناب احمدی نژاد نے کہا آج ایران جغرافیائي حدود یا کسی قوم میں محدود نہیں ہے بلکہ ایران توحید و یکتا پرستی، صلح و عدل اور عشق و محبت کا علمبردار ہے۔
یادرہے حرم تا حرم ہائي وے پراجیکٹ کو "یا علی ابن موسی الرضا" کا نعرہ لگا کر شروع کیا گیا۔ حرم تاحرم ہائي وے قم میں حضرت معصومہ سلام اللہ علیھا کے روضہ اقدس سے شروع ہوکر مشہد مقدس میں حضرت امام علی ابن موسی الرضا کے روضہ مبارک تک جاتاہے ۔
اس تقریب میں صدر جناب احمدی نژاد اور متعلقہ شعبے کے حکام نے شرکت کی۔ یہ تقریب ورامین میں منعقد ہوئي۔ قم سے مشہد کا ہائي وے دوطرفہ ہوگا اور ایک ہزار کلومیٹر پرمشتمل ہے۔
source : http://www.abna.ir