اردو
Saturday 19th of September 2020
  785
  0
  0

حزب اللہ کا تعزیتی پیغام؛ لبنان میں تین روز عمومی سوگ کا اعلان:آیت اللہ فضل اللہ کا انتقال

حزب اللہ نے شیعہ مرجع تقلید حضرت آیت اللہ سید محمد حسین فضل اللہ کی وفات پر اپنے تعزیتی پیغام میں لبنان اور دنیا کے پیروان اہل بیت (ع) کو تعزیت و تسلیت کہتے ہوئے لبنان میں تین روز عمومی سوگ کا اعلان کیا ہے۔اہل البیت (ع) نیوز ایحنسی ـ ابنا ـ کی رپورٹ کے مطابق حزب اللہ نے شیعہ مرجع تقلید آیت اللہ العظمی سید محمد حسین فضل اللہ کے انتقال پر ملال پر جاری کردہ اپنے تعزیتی پیغام میں شیعیان عالم کو تسلیت و تعزیت کہتے ہوئے کہا ہے کہ لبنان، اسلامی امت اور دنیا دنیا والے علامہ مجاہد آیت اللہ سید محمد حسین فضل اللہ کے بابرکت وجود سے محروم ہوگئے ہیں؛ ایسے مجاہد جس کے علم و دانش، جہاد، تألیفات و تصنیفات اور تعلیم و تربیت اور سیاسی و معاشرتی موقف کے اثرات دنیائے اسلام میں ہمیشہ کے لئے باقی رہیں گے۔ آیت اللہ سید محمد حسین فضل اللہ نے اعلانیہ اور صریح انداز میں صہیونی دشمن کے خلاف مزاحمت کی حمایت کی اور عالمی استکبار کی سازشوں کے خلاف استقامت کا راستہ اپنایا۔ 

حزب اللہ نے اس پیغام میں کہا ہے: علامہ سید محمد حسین فضل اللہ نے ہمیشہ اسلامی وحدت کی حمایت کی اور اس کے پابند رہے اور دنیائے اسلام میں تفرقہ اندازی اور فتنہ انگیزی کا سد باب کرنے کے لئے کوشاں تھے اور ان کا علم، جہاد اور ان کا موقف تمام حریت پسند مجاہدین کے لئے نمونۂ عمل ہے۔ 
حزب اللہ نے اپنے پیغام کے آخر میں حضرت ولی عصر (عج)، مرحوم مرجع تقلید کے اہل خاندان اور پوری دنیا میں ان کے عقیدتمندوں اور مقلدین کو تعزیت و تسلیت پیش کرتے ہوئے لوگوں سے مرحوم کے جنازے میں شرکت کی اپیل کی ہے.
دریں اثناء حزب اللہ نے اسی پیغام میں آیت اللہ محمد حسین فضل اللہ کے انتقال کی مناسبت سے تین روزہ عمومی سوگ کا اعلان کیا ہے۔ 
واضح رہے کہ علامہ فضل اللہ گذشتہ کئی مہینوں سے علیل تھے اور گذشتہ ہفتے علالت شدید ہوئی تو انہین بیروت کے جنوبی علاقے ضاحیہ کے "بہمن ہسپتال" میں داخل کیا گیا؛ روز جمعہ اندرونی سیلان خون (Internal Bleeding) سے دوچار ہوئے اور آج 75 سال کی عمر میں انتقال فرماگئے۔


source : http://abna.ir/data.asp?lang=6&Id=194399
  785
  0
  0
امتیاز شما به این مطلب ؟

latest article

بیروت میں دوسری بین الاقوامی فلسطین کانفرنس کی ...
مولوی اسحاق مدنی: اس وقت جو کچھ اسلام ہمارے پاس ہے حضرت ...
ایک دہشتگرد گروہ نے دوسرے دہشتگرد گروہ کو ناجائز قرار ...
مقدمہ شب قدر وہ شب ہے جس کے بارے میں قرآن کریم کا مکمل ...
داعشیوں پر مہلک اور کاری ضرب / شامی فورسز نے ...
برسلز میں شيعہ مسجد پر حملہ كرنے والا گرفتار
ہفتہ وحدت کی مناسبت سے قائد ملت جعفریہ پاکستان کا پیغام
آیت‏اللہ سبحانی: عصر حاضر میں پوری دنیا میں اہل تشیع ...
عالمی شیعہ شناسی فورم کے سربراہ: شیعہ شناسی کے موضوع ...
ایرانی ڈاکٹروں نے کیا فلسطینی بیماروں کا مفت علاج+ ...

 
user comment