اردو
Wednesday 15th of July 2020
  805
  0
  0

آیت‌اللہ العظمی مكارم شیرازی: امام خمینی (رح) کی شخصیت اسلامی نظام اور تشیع سے جُڑی ہوئی ہے

آیت اللہ العظمی مکارم شیرازی نے کہا: امام خمینی رحمۃاللہ علیہ کی شخصیت اسلام، اسلامی نظام اور تشیع سے پیوستہ ہے اور حتی غیر مسلم بھی انہیں ایک عوامی شخصیت قرار دے رہے ہیں۔

اہل البیت (ع) نیوز ایجنسی ـ ابنا ـ کی رپورٹ کے مطابق آیت اللہ العظمی مکارم شیرازی قم میں امام خمینی رحمۃاللہ علیہ کی تألیفات کے تحفظ و اشاعت کے ادارے کے منتظمین سے خطاب کرتے ہوئے کہا: آج امام خمینی رحمۃاللہ علیہ کا کردار اور معاشرے میں انقلاب اسلامی کی کامیابی میں ان کا کردار اجاگر کیا جانا چاہئے کیونکہ دشمنان اسلام کی کوشش ہے کہ اسلام اور تشیع کے تحفظ میں امام (رح) کے کردار کو گهٹا کر پیش کریں اور بے بنیاد شبہات اور سوالات اٹھا کر اس مقصد کے حصول کے لئے کوشاں ہیں؛ ایسے میں امام خمینی رحمۃاللہ علیہ کی تألیفات کے تحفظ و اشاعت کے ادارے کی ذمہ داری ہے کہ منطقی و معقول انداز میں دشمنوں  کے شبہات کا سد باب کریں۔ 
انھوں نے کہا: امام خمینی رحمۃاللہ علیہ کی شخصیت اسلام، اسلامی نظام اور تشیع کے ساتھ پیوستہ ہے اور حتی غیر مسلم بھی انہیں ایک عوامی شخصیت قرار دے رہے ہیں چنانچہ ان کے افکار کو مختلف پہلوؤں  کا جائزہ لے کر انہیں مسلمانوں  کے سامنے پیش کرنے کی ضرورت ہے تا کہ دشمن شبہات کے ذریعے ایران اور پوری دنیا میں امام کے کردار کا انکار نہ کرسکیں۔ 
آیت اللہ العظمی مکارم نے کہا: امام خمینی رحمۃاللہ علیہ کے خلاف مختلف قسم کے شبہات کا سلسلہ اس حقیقت کی دلیل ہے کہ عالم اسلام کے اس عظیم قائد کو دنیائے اسلام میں بہت زیادہ اثر و رسوخ حاصل تھا اسی وجہ سے پوری دنیا میں [ان کے انتقال کے 20 برس گذرنے کے باوجود مسلسل] حملے ہوتے ہیں جس سے معلوم ہوتا ہے کہ دشمن ان کے اس وسیع نفوذ سے خوفزدہ ہوئے ہیں۔
انھوں نے کہا: جس درخت پر پهل نہ لگے ہوں  کوئی بھی اس کی طرف پتھر نہیں پھینکتا چنانچہ امام کی شخصیت پر یلغار سے خائف ہونے کی ضرورت نہیں ہے بلکہ یہ حقیقت جاننے کی ضرورت ہے کہ امام خمینی رحمۃاللہ علیہ کے افکار پوری دنیا میں بہت مؤثر واقع ہوئے ہیں۔ 
........


source : http://www.abna.ir/data.asp?lang=6&id=190237
  805
  0
  0
امتیاز شما به این مطلب ؟

latest article

    سعودی عرب مدینے کی سات مساجد کو منہدم کرنے کا منصوبہ ...
    عازمین حج و عمرہ اور اعلیٰ سرکاری حکام کی طرح ہوائی سفر ...
    صنعا پر سعودی لڑاکا طیاروں کی بمباری میں تیزی، دسیوں ...
    طالبان اور افغان حکومت کے درمیان اب براہ راست مذاکرات
    نائجیریا میں دھماکے سے 47 افراد ہلاک
    امریکہ: نماز کی اجازت نہ دینے پر ایمپائر سٹیٹ بلڈنگ ...
    سانحہ منٰی، امت مسلمہ کی شہادتوں اور اہم شخصیات کے ...
    امریکی صدر کی ہرزہ سرائیوں کا جواب چہلم مارچ میں دیا ...
    ماہ محرم کی مناسبت سے قائد ملت جعفریہ پاکستان کا پیغام
    ’موجودہ دور میں تکفیری رجحانات کا خطرہ‘‘ کے زیر ...

 
user comment