جاپانی این جی اوزنے زبردست احتجاجی مظاہرہ کیا اور اسرائیل کے خلاف شدید نعرے اور جاپان سے اسرائیل کے ساتھ سفارتی تعلقات ختم کرنے کا مطالبہ کیا غزہ میں محصور فلسطینیوں کے لیے امداد لے جانے والے بحری جہاز پر اسرائیل کے حملے کے خلاف جمعہ کو ٹوکیومیں واقع اسرائیلی سفارتخانے کے سامنے پاکستان کی سیاسی ،سماجی مذہبی تنظیموں اور جاپانی این جی اوزنے زبردست احتجاجی مظاہرہ کیا اور اسرائیل کے خلاف شدید نعرے اور جاپان سے اسرائیل کے ساتھ سفارتی تعلقات ختم کرنے کا مطالبہ کیا ،مظاہرین نے پلے کارڈز اٹھا رکھے تھے۔
مظاہرہ کرنے والوں میں پیپلز پارٹی جاپان ، مسلم لیگ ن جاپان ، عوامی نیشنل پارٹی جاپان ، تحریک انصاف ، اسلامک سینٹر آف جاپان ، اسلامک ٹرسٹ آف جاپان ، منہاج القران جاپان ، پاکستان ایسوسی ایشن جاپان کے تینوں گروپوں کے نمائندے سمیت جاپانی این جی اوز کے نمائندوں سمیت سیکڑوں افراد شامل تھے ، اس موقع پر جاپانی پولیس اور خفیہ ایجنسیوں کے حکام نے علاقے کو بھاری نفری کے ساتھ گھیرے میں لے رکھا تھا ، جبکہ اسرائیلی حکام کو تمام مظاہرین کی جانب سے احتجاجی یادداشت بھی پیش کی گئی
source : http://www.abna.ir/data.asp?lang=6&Id=190858