Azəri
Saturday 28th of January 2023
0
نفر 0

Allahın iftixar etdiyi gənc

 “İki nemətin qədrini onu əldən verən şəxsdən başqa bir kimsə bilməz: cavanlığın və sağlamlığın”.
Əhli-Beytin (ə) gənclər barədə tövsiyələrindən

Gənc və 72 siddiqin savabı
Rəsuli-əkrəm (s): “Ey Əbazər! O cavan ki, Allaha xatir dünyadan və onun məşğuliyyətlərindən üz çevirərək cavanlığını Allaha itaət yolunda qocaldar, Allah ona 72 siddiqin mükafatını əta edər”. (Siddiq o kəsdir ki, çox düz danışar və dediklərini öz əməlləri ilə təsdiq edər).
“Mizanul-hikmə”, c. 5, səh. 9. “Biharul-ənvar”, c. 77, səh. 84.

Ey 20 yaşı olanlar! Ciddi cəhd edin
Rəsuli-əkrəm (s): “Allahın bir mələyi vardır ki, hər axşam yerə enər və səslənər: “Ey 20 yaşlılar! Çalışın və ciddi olun!”.
“Müstədrəkul-vəsail”, c. 2, səh. 353.

Allahın sevdiyi cavan
Rəsuli-əkrəm (s): “Mənim ümmətimin ən yaxşı cavanları, cavanlığını Allaha itaətdə keçirənlərdir.
“Mizanul-hikmə”, c. 5, səh. 9.

Ən yaxşı cavan və ən pis qoca
Rəsuli-əkrəm (s): “Sizin ən yaxşı cavanlarınız qocalar kimi ölçülüb-biçilmiş davrananlardır. Sizin ən pis qocalarınız isə cavanlarınız kimi rəftar edənlərdir”. “Muşkatul-ənvar”, səh. 180.

Cavanın ürəyi
İmam Əli (ə): “Həqiqətən, yeniyetmənin qəlbi xam (işlənməmiş) torpaq kimidir. Ora hər nə atılsa qəbul edər”.
“Tühəful-Uqul”, səh. 70.

İmam Əli (ə): Övladlarınızı sizin adət-ənənənizlə getməyə məcbur etməyin. Çünki onlar sizin zəmanənizdən ayrı bir zaman üçün yaradılmışdır.
“İbn Əbil-Hədid; Şərhi Nəhcül-bəlağə”, c.20, səh. 267.

İmam Əlinin (ə) gənclərə mühüm tövsiyəsi
İmam Əli (ə): “Ey cavanlar! Öz abır və şərəfinizi ədəblə, dininizi isə biliklə qoruyun”.
“Tarixi-Yəqubi”, c. 2, səh. 133.
Gənclərə qarşı diqqətli olun
İmam Sadiq (ə), Əhvələ xitab edərək buyurdu: “Bəsrəyə getdinmi?” Ərz etdi: “Bəli”. İmam (ə) buyurdu: “Xalqın bu işə (bizim vilayət və imamətimizə) sevgisini və onu qəbul etməyini necə gördün?” Ərz etdi: “Allaha and olsun azdırlar, müəyyən iş görüblər, amma azdır”. Həzrət (ə) buyurdu: “Gənclərə qarşı diqqətli olmağı sənə tövsiyə edirəm. Çünki onlar hər bir yaxşılığı qəbul etməkyə daha çox tələsirlər”.
“Qurbul-İsnad”, səh. 128, h. 450.

Gəncliyinizin qədrini bilin
İmam Əli (ə): “İki nemətin qədrini onu əldən verən şəxsdən başqa bir kimsə bilməz: cavanlığın və sağlamlığın”.
“Ğurərul-hikəm”, h. 5764.

Allahın iftixar etdiyi gənc
Rəsuli-əkrəm (s): “Allah-taala gənc abidin vücudu ilə mələklərin qarşısında iftixar edər və buyurar: “Baxın Mənim bu bəndəmə, Mənə xatir öz şəhvətindən əl çəkmişdir”.
“Kənzul-Ummal”, h. 43057.

0
0% (نفر 0)
 
نظر شما در مورد این مطلب ؟
 
امتیاز شما به این مطلب ؟
اشتراک گذاری در شبکه های اجتماعی:

latest article

YUXUDA DA ALLAHI YAD ETMƏK
Nigeriya Paytaxtında Zariya Soyqırımının 3-cü il dönümü qeyd edilib – Foto
QADINLARLA RƏFTARDA ISLAMI NÜMUNƏLƏR
QADINLA KIŞI ARASINDAKI FƏRQLƏR
KIŞI SEVMƏK, QADIN ISƏ SEVILMƏK SORAĞINDADIR
Qardaş
İmam Xamenei cənablarının hüzuru ilə Əyyami Fatimə (s.ə.) məclisləri qeyd ...
Nə üçün az sayda peyğəmbərlərin adları Quranda çəkilmişdir?
AYAQLARIN MƏSH EDİLMƏSİ
Habil və Qabil kim ilə evlənmişdi?

 
user comment