əbər Agentliyinin verdiyi xəbərə əsasən, Yanvarın 24-də "Məşhəd-2017 İslam dünyasının mədəni paytaxtı" tədbirinin İmam Rzanın (əleyhi səlam) hərəmində açılış mərasimi keçirilib.
Bu münasibətlə Qüds Rəzəvi ostanının rəhbəri Ayətullah Seyid İbrahim Raisinin iştirakı ilə Qüds salonunda tədbir keçimişdir.Mərasimə bəzi ölkə rəsmiləri, müsəlman ölkələrin səfirləri və beynəlxalq qonaqlar da qatılmışdır.
Mərasimdən sonra Ayətullah Seyid İbrahim Raisinin imamlığı ilə möhtəşəm vəhdət namazı qılınmışdır. Qonaqlar daha sonra İmam Rzanın (əleyhi səlam) pak hərəmini ziyarət etmişdilər.
"Məşhəd-2017 İslam dünyasının mədəni paytaxtı" tədbirinə gələn xüsusi qonaqlar, həmçinin Qüds Rəzəvi ostanının müqəddəs məkanları, Qurani-Kərim müzeyi və kitabxanasında olmuşdular.
Qeyd edək ki, Məşhəd şəhərinin 2017-ci ildə İslam dünyasının mədəni paytaxtı seçilməsi 2010-cu ildə Bakıda İslam Təhsil, Elm və Mədəniyyət Təşkilatının (İSESKO) qərarı ilə qəbul olunmuşdur.