Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, İran İslam Respublikasının Şərqi Azərbaycan əyalətində 25-ə yaxın Məsciddə Nardaran Şəhidlərinin 40 mərasimi keçirildi.
Təbriz xalqı tərəfindən keçirilən məclislərdən biri də, Azərbaycan konsulluğunun yaxınlığında yerləşən İmam Cəfəri Sadiq (əleyhi səlam) Məscidində keçirilib.
Məclisdə iştirak edən yüzlərlə mömün şəxslər arasında məclisi zinətləndirən şəxslərdən biri də, məhz Təbrizin İmam Cüməsi Ayətullah Şəbistəri olub.
Məclisdə çıxış üçün söz Azərbaycan Respublikasının tələbələrindən olan Höccətül İslam Tohid İbrahimbəyliyə verilib. O, İslam dünyasının son hadisələri barəsində 30 dəqiqə çıxış edib.
“İslam sərhəd tanımır. Məzlumların səsinə səs vermək hər bir vijdanlı insanın vəzifəsidir. Yəhudi qadının ayağından xalxalı qopardan zaman orda olan kişilərin səsi çıxmadığı üçün, Həzrəti Əli buyurur ki, kişilərin o laqeydliyinə insanın ürəyi partlasa yeri var. Mən şəxsən İranda bu məclisləri könüllü şəkildə təşkil edən insanlara öz minnətdarlığımı bildirirəm...”- deyə İbrahimbəyli bildirib.
Sonda Höccətül İslam Tohid İbrahimbəyli Vəliyyi fəqihin nümayəndələri, Təbrizin və Əərdəbilin İmam cümələri olan Ayətullah Şəbistəri və Ayətullah Seyyid Həsən Amilidən dərin təşəkkürünü bildirərək, onların əllərindən öpüdüyünü qeyd edib.
