Azəri
Friday 17th of September 2021
157
0
نفر 0
0% این مطلب را پسندیده اند

Şəhid anası: Balamı son dəfə gördüm, bayrağa bükmüşdülər - REPORTAJ

Üç gün əvvəl səhəri şəhid xəbəri ilə açmışdıq. Sentyabrın 27-dən 28-ə keçən gecə təmas xəttində düşmənin fəallaşmaq cəhdinin qarşısını alarkən Füzulinin Alaxanlı kəndində 3 hərbçimizi itirdik. Vəliyev Rauf Fəxrəddin oğlu, Əhmədzadə Neman İspəndiyar oğlu və Mustafazadə Zöhrab Namiq oğlu vətən yolunda şəhid oldu.
Şəhid anası: Balamı son dəfə gördüm, bayrağa bükmüşdülər - REPORTAJ

Üç gün əvvəl səhəri şəhid xəbəri ilə açmışdıq. Sentyabrın 27-dən 28-ə keçən gecə təmas xəttində düşmənin fəallaşmaq cəhdinin qarşısını alarkən Füzulinin Alaxanlı kəndində 3 hərbçimizi itirdik. Vəliyev Rauf Fəxrəddin oğlu, Əhmədzadə Neman İspəndiyar oğlu və Mustafazadə Zöhrab Namiq oğlu vətən yolunda şəhid oldu.

Bu gün onların ölümünün 3-cü günüdür. Məhəmmədi kəndindəyik. Zöhrabgildə. Daha doğrusu Zöhrabın 3 mərasimində. Qapıda bir qız əyləşib. Sağında və solundakı qadınlar ovcunu ovur, üzünə su vururlar. Öyrənirik ki, bu, Mədinədir. Zöhrabın böyük bacısı. Deyirlər, qardaşının şəhid xəbəri eşidəndən bəri belədir. Tez-tez halı pisləşir, üzünə su vurub özünə gətirirlər.

Yaxınlaşırıq. Nə qədər halsız olduğu üz-gözündən bəllidir. Gözlərini qaldırıb üzümə baxır. Nəsə deyəcəyini düşünsəm də, dinmir. Danışmaya da heyi qalmayıb. Bir neçə saniyə üzümə baxıb, gözlərini yerə dikir yenə.

Qadınlar olan məclisə keçirik. Anası Könül xala lap başda əyləşib. Digər qadınların yanında. Yanındakı yaşlı qadın onun sol əlini öz ovcunda bərk-bərk sıxıb. Ağlamır. Toxtamış görünür. Mətanət göstərir. Hərdən yanağından bir damla süzülür və dərhal özünü toplayır və əvvəlkindən də dik dayanır.

Mustafazadələr ailəsi ilk itkisinin illər əvvəl verib. 2 il əvvəl sürətlə gələn təcili yardım maşını ailə başçısının həyatına son qoyur. Yolu keçməkdə olan Namiq Mustafazadə elə qəza yerindəcə can verib. 2 ildir uşaqlarına həm atalıq, həm analıq edən Könül xala Zöhrabı əsgərliyə yola saldıqdan sonra ailənin yükünü tək daşımalı olub. Ona qədər Zöhrab çilingər işləyərək anasına və bacılarına baxırmış.

3 bacının yeganə qardaşı olan Zöhrab ailənin ikinci övladıdır.


source : abna24
157
0
0% (نفر 0)
 
نظر شما در مورد این مطلب ؟
 
امتیاز شما به این مطلب ؟
اشتراک گذاری در شبکه های اجتماعی:

latest article

İSLAM HƏCCININ VACIB OLMA ŞƏRTLƏRI
Pakistan ordusundan Hindistana: “Qətiyyətimizi sınamayın!”
Səudiyyədən yeni fitnə: Şeyx Nimr Cizana köçürülür
AİP səud rejiminin son cinayətlərini pisləyib
Əmirəlmöminin İmam Əli (ə) buyurur
Cəmərəyə dаş аtmаq
DÖRDÜNCÜ HEKAYƏT
Əxlaqını gözəl et ki, hesab-kitabın asanlaşsın
10 HƏDIS (21)
İblisin əhvalatı həqiqidir, yoxsa təmsil üçündür?

 
user comment