Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Nigeriya Silahlı Qüvvələri bu yaxınlarda 700-ə yaxın qadın və uşaqları cinayətkar Boko Haram sələfi terrorçu qruplaşmasının əsir düşərgəsindən azad edib.
Azad olmuş əsir qadınlarının bildirdiyinə görə, Nigeriya Ordusu düşərgəni ələ keçirtməmişdən bir az öncə sələfi azğınları bir neçə qadını daşqalaq edərək həlak etmişdir.
2014-cü ilin Dekab ayında Allahsız sələfi qruplaşmasının Lasa kəndinə hücumunda əsir götürülmüş Lami Musa adlı 27 yaşlı qadın azad olduqdan sonra əsirlik xatirələri haqda belə bildirib: “Sələfilər kəndimizə hücum etdikdə ərimi öldürdülər daha sonra məni zorla üç balamdan ayıraraq, bətnimdəki körpəmlə birlikdə əsir götürdülər. Onlar mənə “uşağı dünyaya gətirdikdən bir həftə sonra komandirimizlə evlənməlisən” dedilər...”
Lama Musa daha sonra deyib: “Nigeriya Ordusu düşərgəyə hücuma keçməzdən bir gün öncə mən körpəmi dünyaya gətirdim. Sələfilər qaçarkən qadınları da özləri aparmaq istəyəndə qadınlar müqavimət göstərdilər, elə bu vaxt vəhhabilər bizi daşqalaq etməyə başladılar, mən körpəmi bağrıma basıb yerə uzandım, bir neçə qadın müqavimət göstərərkən, 10 qadın isə daşqalaq vasitəsi ilə Şəhid oldu.”
Hazırda yenicə azad olmuş qadın və körpələr Nigeriya Ordusunun təşkil verdiyi müvəqqəti düşərgələrdə yerləşdiriliblər. Dövlət, vətəndaşları tibb müayinısindən keçirir və onların rifahını təmin etməyə çalışır.
source : abna
