Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən,Mart ayında məruz qaldığı aviazərbələr nəticəsində ağır yaralanan İŞİD terror təşkilatının lideri Əbubəkr Əl-Bağdadinin ölüm xəbəri təkzib olunub.
Böyük Britaniyanın “The Guardian” nəşri onun sağ qalsa da əlil şikəst olduğunu yazıb.
Nəşrin məlumatına görə, Bağdadinin müalicəsi ilə hazırda iki həkim məşğuldur. Onlar Mosul şəhərinin mərkəzi xəstəxanasında çalışan qadın rentgenoloq və kişi cərrahdır. İŞİD-ə yaxın üç mənbə “The Guardian” nəşrinə açıqlamasında Bağdadinin yarasının olduqca ağır olduğunu bildirib. “Görünür, Bağdadi qruplaşmaya artıq rəhbərlik edə bilməyəcək”, - mənbələr qeyd edib.
Qeyd edək ki, Bağdadinin ölümü haqqında xəbərlər 2014-cü ilin noyabrında da yayılıb. Ancaq bu məlumatlar da təsdiqlənməyib
Diqqət: Xəbərdən istifadə etdikdə mənbəyə istinad lazımdır
source : abna
