Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, İraq Sünni Alimlər Birliyi "Əl-Əzhər" şeyxinin iddiasına reaksiya göstərdi
Xalid əl-Məllanın rəhbərlik etdiyi İraq Sünni Alimlər Birliyi Misirin "Əl-Əzhər" Universitetinin şeyxi Şeyx Əhməd Tayyibin İraqda İŞİD-lə mübarizə aparan İraq Xalq Könüllü Dəstələrinin sünni bölgələrində qətliam törətmə iddiasına reaksiya göstərib.
"Əl-Əzhər" Universitetinin İslam aləmində tutduğu roldan bəhs edilən ifadələrlə başlayan açıqlamada belə qeyd olunub: "Əl-Əzhər" bəlkə bilmir, amma İraq Xalq Könüllü Dəstələri təkfirçi struktur deyil; Şiə və sünnilərdən ibarət olan bir quruluşdur. Xalq Birliklərinə mənsub şiə və sünni döyüşçülərin əksəriyyəti sünni bölgələri İŞİD-dən azad etmək məqsədilə birlikdə döyüşür". "Əl-Əzhər" şeyxinin açıqlamasındakı ittihamların həqiqəti əks etdirmədiyini bildirən İraq Sünni Alimlər Birliyi, "Bu məlumatların əsaslandığı mənbələr, İŞİD-in cinayətləri qarşısında susqunluğunu pozmayan dairələrdir və məqsədləri ictimaiyyətin beynini çaşdırmaqdır", - deyə qeyd edib.
Diqqət: Xəbərdən istifadə etdikdə mənbəyə istinad lazımdır
source : abna