Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Nigeriyanın şimal-şərqində, dövlət başçısı Qudlak Conatanın seçki kampaniyası çərçivəsində təşkil etdiyi mitinqdə partlayış olub
Partlayış president mitinqdən ayrıldıqdan 20 dəqiqə sonra baş verib. Nəticədə 5 nəfər ölüb, 8 nəfər yaralanıb.
Hadisə şahidlərinin dediyinə görə, hücum edən şəxs intiharçı qadın olub. O üzərindəki bombanı partlatmaqla terror aktı həyata keçirib. Partlayışın məsuliyyətini hələlik heç bir təşkilat öz üzərinə götürməsə də, Boko Haramdan şübhələnilir.
Qeyd edək ki, fevralın 14-də Nigeriyada prezident seçkiləri keçiriləcək. Ölkənin hazırkı prezidenti Qudlak Conatan üçüncü dəfə öz namizədliyini irəli sürüb.
Diqqət: Xəbərdən istifadə etdikdə mənbəyə istinad lazımdır
source : www.abna.ir