Beynəlxalq İslam Vəhdətinin 26-cı konfransı bu gün səhər İİR-nın prezidenti Dr. Mahmud Əhmədinejadın çıxışı və 102 İslam ölkəsinin tanınmış şəxsiyyətlərinin iştirakı ilə İslam Ölkələri Başçılarının iclas zalında öz işinə başladı.
Əziz İslam Peyğəmbərinin (s) miladı və Vəhdət həftəsi ilə eyni zamanda Beynəlxalq İslam Vəhdətinin 26-cı konfransı "Böyük Peyğəmbər – Vahid İslam Ümmətinin Şəxsiyyət Rəmzi" adı altında İİR-nın prezidenti Dr. Mahmud Əhmədinejadın çıxışı və 102 İslam ölkəsinin tanınmış şəxsiyyətlərinin iştirakı ilə bu gün (27 yanvar) İslam Ölkələri Başçılarının iclas zalında öz işinə başladı.
Konfransda İslami Məzhəblərin Yaxınlaşdırılmasının Dünya Birliyi üzvləri, İİR-nın Prezidenti, İranın və başqa İslami ğlkələrin tanınmış şəxsiyyətləri iştirak edirdilər. İclasda İİR-nın prezidenti, Ayətyullah Əraki, Əli Əkbər Vilayəti, Seyid Əmmar Həkim, Firdov Aşiq Əvan, İbrahim Cəfəti çıxış etdilər və Ayətullah Məkarim Şirazinin ismarıcı qiraət olundu.
Bu iki günlük toplantıda İslam dünyasının və müsəlmanların mövcud problemləri müzakirə ediləcəkdir. Həmçinin yanvar ayının 29-da İslam Peyğəmbərinin (s) milad günündə iclas iştirakçıları İslam İnqilabının Böyük Rəhbəri Ayətullah Seyid Əli Xamənei ilə görüşəcəklər.
source : http://iqna.ir/az