اسلامی جمہوریہ ایران ، پاکستان، ہندوستان،بنگلہ دیش اورعراق سمیت کئی اسلامی ممالک میں آج عید الاضحی مذہبی جوش و جذبہ اور عقیدت سے منائی جارہی ہے۔
اہل بیت (ع) نیوز ایجنسی ۔ ابنا ۔ کی رپورٹ کے مطابق اسلامی جمہوریہ ایران ، پاکستان، ہندوستان،بنگلہ دیش اورعراق سمیت کئی اسلامی ممالک میں آج عید الاضحی مذہبی جوش و جذبہ اور عقیدت سے منائی جارہی ہے۔ نماز عید کی ادائیگی کے بعد سنت ابراہیمی کی پیروی کرتے ہوئے الله کی راہ میں جانوروں کی قربانی کی جارہی ہے۔ پاکستان ، ہندوستان اور عراق میں عید الاضحٰی کے موقع پر سکیورٹی کے خصوصی انتظامات کیے گئے جس کے تحت مساجد اور عید گاہوں کے باہر پولیس کی بھاری نفری تعینات کی گئی۔