“عظیم واپسی مارچ” کے پانچویں جمعے کے موقع پر فلسطینیوں کی جانب سے نکالی گئی ریلیوں پر صہیونی فوج کی فائرنگ سے ۳ فلسطینی شہید اور ۳۴۹ زخمی ہو گئے ہیں۔
اہل بیت(ع) نیوز ایجنسی۔ابنا۔ فلسطینی عوام نے ‘عظیم واپسی مارچ’ کا سلسلہ جاری رکھتے ہوئے پانچویں ہفتے کو بھی نماز جمعہ کے بعد مقبوضہ فلسطین کی سرحدوں کی طرف پیدل مارچ کر کے اسرائیل کے نصب کردہ آہنی جالیوں کو توڑ دیا۔
دوسری جانب صہیونی فوجیوں نے بھی ہمیشہ کی طرح اپنے جارحانہ رویے کا سلسلہ جاری رکھتے ہوئے واپسی مارچ پر حملہ کیا اور فلسطینیوں پر آنسو گیس کے گولے پھینکنے کے علاوہ ان پر شدید فائرنگ بھی کی جس کے نتیجے میں تین فلسطینی شہید اور ۳۴۹ زخمی ہو گئے ہیں۔
خیال رہے کہ فلسطینیوں کی واپسی مارچ ریلیاں اسرائیل کی ناجائز حکومت کے قیام کی برسی یعنی ۱۴مئی تک جاری رہیں گی۔