اردو
Wednesday 26th of September 2018

شیعیان کشمیر کے اوقاف سے متعلق لاتعلق افراد کی بیان بازی مضحکہ خیز

شیعیان کشمیر کے اوقاف سے متعلق لاتعلق افراد کی بیان بازی مضحکہ خیز

سرینگر/جموں کشمیر انجمن شرعی شیعیان کے صدر دفتر پر تنظیمی اراکین و عاملین اور شعبہ جوانان کے الگ الگ اجلاس تنظیم کے سربراہ حجۃ الاسلام والمسلمین آغا سید حسن الموسوی الصفوی کی صدارت میں منعقد ہوئے۔ اجلاسوں میں تنظیمی امورات زیر بحث لائے گئے اور خصوصی طور پر تنظیم کی بڑھتی ہوئی دینی و سماجی سرگرمیوں کے پیش نظر مالی اخراجات کی حصولیابی کے طور طریقوں پر تبادلہ خیال کیا گیا۔اجلاس میں تنظیم کو بنیادی اکائیوں کی سطح پر مزید فعال اور متحرک بنانے کیلئے اراکین و عاملین کی تجاویز پر مبنی اقدامات اٹھانے کا فیصلہ کیا گیا۔ اجلاس میں عالمی سطح پر وحدت مسلمین بالخصوص دنیائے شیعیت کے خلاف عملائی جارہی شرانگیز سازش اور وادی کشمیر میں اس سازش کے اثرات کے قلع قمع کیلئے اراکین و عاملین کو بنیادی اکائیوں کی سطح پر متحرک رہنے کی ضرورت کو محسوس کرتے ہوئے کہا کہ اسلام دشمن طاغوتی قوتوں نے ایک نئی حکمت عملی اختیار کی ہوئی ہے جس کے تحت شیعیت کا لبادہ اوڑھ کر زرخرید آلہ کاروں کو مختلف ٹی وی چینلوں کی وساطت سے اصحاب النبیؐ اور امہات المؤمنین کے خلاف غلیظ زبان استعمال کرنے کی ترغیب دے کرشیعیت کے خلاف جذبات کو بھڑکایا جارہا ہے ۔ اس منصوبہ بندی کا سب سے بڑا ہدف انقلاب اسلامی ایران اور نظام ولایت فقیہ کا خاتمہ اور مسلمانوں کے مختلف اہل مسالک کے درمیان تشدد اور کُشت و خون کیلئے راہ ہموار کرنا ہے۔MI-6 کے اس گھناونے منصوبے سے عام لوگوں کو باخبر رکھنا وقت کی اہم ترین ضرورت ہے ۔

اس موقعہ پر آغا صاحب نے شیعیان کشمیر کے وقف جات سے متعلق کچھ شکست خوردہ افراد جن کا شیعوں کے اوقاف سے دور کا بھی عمل دخل نہیں کی طرف سے بیان بازی کو مضحکہ خیز قرار دیتے ہوئے واضح کیا کہ شیعیان کشمیر کے اوقاف کی سرپرستی اورانتظام و انصرام شیعیان کشمیر کے ان قدیم اور معروف ترین دینی تنظیموں کی نگرانی میں ہے جن پر ریاست کی شیعہ برادری کا غیر متزلزل اعتماد ہے۔انہوں نے کہا کہ فرضی اوقاف اور کاغذی چیرمین ان شکست خوردہ عناصر کی بوکھلاہٹ کا نتیجہ ہے۔ موقوفات شیعہ کا رونا روکر یہ شکست خوردہ عناصر شیعہ برادری کو گمراہ کرکے اپنے مکروہ عزائم کی تکمیل نہیں کرسکتے۔   

latest article

      خلیج فارس کی عرب ریاستوں میں عید الاضحی منائی جارہی ہے
      پاکستان، ہندوستان، بنگلہ دیش اور بعض دیگر اسلامی ...
      پاکستان کی نئی حکومت: امیدیں اور مسائل
      ایرانی ڈاکٹروں نے کیا فلسطینی بیماروں کا مفت علاج+ ...
      حزب اللہ کا بے سر شہید پانچ سال بعد آغوش مادر میں+تصاویر
      امریکہ کے ساتھ مذاکرات کے لیے امام خمینی نے بھی منع کیا ...
      کابل میں عید الفطر کے موقع پر صدر اشرف غنی کا خطاب
      ایرانی ڈاکٹروں کی کراچی میں جگر کی کامیاب پیوندکاری
      شیطان بزرگ جتنا بھی سرمایہ خرچ کرے اس علاقے میں اپنے ...
      رہبر انقلاب اسلامی سے ایرانی حکام اور اسلامی ممالک کے ...

user comment