امریکہ اور اسرائیل اس وقت دنیا بھر میں مسلمانوں کو کمزور کرنے کی گھناونی سازشیں کر رہے ہیں۔ اسلامی ریاستوں کو کمزور کرنے اور داخلی انتشار اور افراتفری بھی امریکی اور اسرائیلی سازشوں کا حصہ ہے۔
تفصیلات کے مطاق بعض اسلامی ممالک بالخصوص عرب ممالک اس وقت امت مسلمہ اور اسلامی ممالک کو کمزور کرنے سمیت دیگر امریکی سازشوں کو عملی جامہ پہنانے میں مصروف ہیں۔
فلسطین فاونڈیشن پاکستان کے زیر اہتمام فلسطینی شہریوں پر اسرائیلی فوجیوں کی جارحیت اور مسجد الاقصی پر صہیونی ریاست کے غاصبانہ قبضے کے خلاف کراچی میں بھرپور احتجاجی مظاہرہ کیا گیا ہے جبکہ فلسطین فاونڈیشن کی اپیل پر ملک بھر میں جمعے کی نماز کے بعد یوم دفاع مسجد الاقصی منایا گیا۔
کراچی میں میمن مسجد کے باہر مرکزی احتجاجی جلسے کا انعقاد کیا گیا تھا۔ مظاہرے سے خطاب کرتے ہوئے مقررین نے کہا ہے کہ اسرائیل مسجد الاقصی کے اسلامی تشخص کو ختم کرنا چاہتا ہے اور اس ناپاک منصوبے کی کے لئے تکمیل مسجد الاقصی اور فلسطینی شہریوں کے خلاف اپنی جارحیت جاری رکھے ہوئے ہیں۔
مقررین کا کہنا تھا کہ اب دنیا بھر کے مسلمانوں کو مسجد الاقصی کے دفاع کے لئے کھڑے ہونے کا وقت آ گیا ہے۔ مقررین کا کہنا تھا کہ اہلیان کراچی اور پاکستان صہیونی ریاست کے اس تسلط کو کبھی قبول نہیں کریں گے جبکہ پاکستانی عوام قبلہ اول کی آزادی کے لئے کسی بھی قسم کی قربانی سے دریغ نہیں کریں گے۔
