کی رپورٹ کے مطابق پاکستان کے مالی سال 2017-18 ءمیں پاکستان کے صدر ممنون حسین کی تنخواہ 6 لاکھ روپے بڑھا دی گئی ہے اور اب ان کی تنخواہ ماہانہ الاﺅنسز کے اضافے کے ساتھ 10 لاکھ روپے سے بڑھ کر 16 لاکھ روپے ہوگئی ہے۔اطلاعات کے مطابق گزشتہ روز وفاقی وزیرخزانہ اسحاق ڈار کی طرف سے پیش کئے گئے بجٹ میں صدر ممنون حسین کی تنخواہ میں اضافے کا بھی اعلان کیا گیا جبکہ وزیر اعظم نواز شریف کے دفتر کا بجٹ 91 کروڑ 67 لاکھ روپے سالانہ کر دیا گیا ہے۔
بجٹ دستاویزات کے مطابق ایوان صدر کیلئے95 کروڑ 96 لاکھ روپے مختص کئے گئے ہیں اورایوان صدر کے ملازمین کی تنخواہوں اور مراعات کیلئے 65 کروڑ 33 لاکھ روپے جبکہ ایوان صدر کی تزئین و آرائش کیلئے بھی دو کروڑ روپے مختص کئے گئے ہیں۔
ممنون حسین کے صوابدیدی فنڈز کیلئے 10 لاکھ روپے، ایوان صدر کے باغیچوں کیلئے 4 کروڑ13 لاکھ روپے،گاڑیوں کیلئے 3 کروڑ 97 لاکھ روپے، ڈسپنسری کیلئے 2 کروڑ 12 لاکھ روپے جبکہ صدر مملکت کے بیرون ممالک دوروں کیلئے 1کروڑ32 لاکھ روپے مختص کئے گئے ہیں۔ جبکہ وزیر اعظم کے دفتر کا بجٹ 91 کروڑ 67 لاکھ روپے سالانہ کر دیا گیا ہے۔ ایسا ملک کیسے مزید غریب نہ ہو ، جہاں کے حکمراں عیش و عشرت پر اربوں روپے خرچ کریں۔
