کی رپورٹ کے مطابق پاکستان میں خواتین کی تعلیم اور انتہا پسندی کے خلاف جدوجہد کرنے والی گل مکئی یعنی ملالہ یوسف زئی کو اقوام متحدہ کے جنرل سیکریٹری نے اپنا سفیر برائے امن مقرر کردیا۔
19سالہ ملالہ یوسف زئی یہ عہدہ حاصل کرنے والی پہلی اور تاریخ کی کم عمر ترین شخصیت بن گئی ہیں۔
اس کے علاوہ ملالہ یوسف زئی نوبیل انعام حاصل کرنے والی کم عمر ترین شخصیت تھیں، انھیں یہ اعزاز 17 سال کی عمر میں دیا گیا تھا۔
ملالہ یوسف زئی نوبیل پرائیز کے علاوہ ورلڈ چلڈرن پرائیز جیسے ایوارڈز بھی حاصل کرچکی ہیں۔
تقریب سے خطاب میں ملالہ یوسف زئی کا کہنا تھا کہ دہشت گردوں اور انتہا پسندوں نے مجھے روکنے کے لئے تمام اقدامات کیے، انھوں نے مجھے قتل کرنے کی کوشش کی لیکن وہ کامیاب نہیں ہوئے۔
ملالہ یوسف زئی کا کہنا تھا کہ اب یہ ایک نئی زندگی ہے، یہ دوسری زندگی ہے اور یہ تعلیم کے مقاصد کے لئے ہے۔
واضح رہے کہ ملالہ یوسف زئی کو 2012 میں سوات میں اسکول سے واپسی پر حملہ کرکے زخمی کردیا گیا تھا، اُس وقت ان کی عمر صرف 15 برس تھی، انھیں خواتین کی تعلیم کے لیے آواز اٹھانے پر نشانہ بنایا گیا تھا۔
