کی رپورٹ کے مطابق افغان حکام کا کہنا ہے کہ ہلمند کے شہر لشکر گاہ میں افغان فوجی اہلکار بینک سے تنخواہ لینے پہنچے تو وہاں پہلے سے موجود حملہ آور نے بارود سے بھری گاڑی کو دھماکے سے اڑادیا۔
حکام نے کہا کہ خودکش حملے میں خواتین و بچوں سمیت 6 افراد ہلاک اور 20 سے زائد افراد زخمی ہوئے جن میں سے کئی کی حالت تشویشناک ہے۔
ہلمند پولیس چیف آغا نور کِنتوز نے ’اے ایف پی‘ کو بتایا کہ خودکش کار حملے میں 6 افراد ہلاک جبکہ 21 زخمی ہوئےہلاک ہونے والوں میں سکیورٹی فورسز کے اہلکار بھی شامل ہیں۔
صوبائی گورنر کے ترجمان عمر زَواک نے بھی ہلاکتوں کی تصدیق کی، جس کے نتیجے میں کئی فوجی گاڑیوں کو بھی نقصان پہنچا۔
دوسری جانب طالبان نے حملے کی ذمہ داری قبول کرتے ہوئے دعویٰ کیا کہ ہلمند کا حملہ حال ہی میں امریکا کی جانب سے ضلع سنگن میں کی جانے والی کارروائی کا جواب ہے۔