اردو
Wednesday 27th of March 2019
  738
  0
  0

حزب اللہ کا تعزیتی پیغام؛ لبنان میں تین روز عمومی سوگ کا اعلان:آیت اللہ فضل اللہ کا انتقال

حزب اللہ نے شیعہ مرجع تقلید حضرت آیت اللہ سید محمد حسین فضل اللہ کی وفات پر اپنے تعزیتی پیغام میں لبنان اور دنیا کے پیروان اہل بیت (ع) کو تعزیت و تسلیت کہتے ہوئے لبنان میں تین روز عمومی سوگ کا اعلان کیا ہے۔اہل البیت (ع) نیوز ایحنسی ـ ابنا ـ کی رپورٹ کے مطابق حزب اللہ نے شیعہ مرجع تقلید آیت اللہ العظمی سید محمد حسین فضل اللہ کے انتقال پر ملال پر جاری کردہ اپنے تعزیتی پیغام میں شیعیان عالم کو تسلیت و تعزیت کہتے ہوئے کہا ہے کہ لبنان، اسلامی امت اور دنیا دنیا والے علامہ مجاہد آیت اللہ سید محمد حسین فضل اللہ کے بابرکت وجود سے محروم ہوگئے ہیں؛ ایسے مجاہد جس کے علم و دانش، جہاد، تألیفات و تصنیفات اور تعلیم و تربیت اور سیاسی و معاشرتی موقف کے اثرات دنیائے اسلام میں ہمیشہ کے لئے باقی رہیں گے۔ آیت اللہ سید محمد حسین فضل اللہ نے اعلانیہ اور صریح انداز میں صہیونی دشمن کے خلاف مزاحمت کی حمایت کی اور عالمی استکبار کی سازشوں کے خلاف استقامت کا راستہ اپنایا۔ 

حزب اللہ نے اس پیغام میں کہا ہے: علامہ سید محمد حسین فضل اللہ نے ہمیشہ اسلامی وحدت کی حمایت کی اور اس کے پابند رہے اور دنیائے اسلام میں تفرقہ اندازی اور فتنہ انگیزی کا سد باب کرنے کے لئے کوشاں تھے اور ان کا علم، جہاد اور ان کا موقف تمام حریت پسند مجاہدین کے لئے نمونۂ عمل ہے۔ 
حزب اللہ نے اپنے پیغام کے آخر میں حضرت ولی عصر (عج)، مرحوم مرجع تقلید کے اہل خاندان اور پوری دنیا میں ان کے عقیدتمندوں اور مقلدین کو تعزیت و تسلیت پیش کرتے ہوئے لوگوں سے مرحوم کے جنازے میں شرکت کی اپیل کی ہے.
دریں اثناء حزب اللہ نے اسی پیغام میں آیت اللہ محمد حسین فضل اللہ کے انتقال کی مناسبت سے تین روزہ عمومی سوگ کا اعلان کیا ہے۔ 
واضح رہے کہ علامہ فضل اللہ گذشتہ کئی مہینوں سے علیل تھے اور گذشتہ ہفتے علالت شدید ہوئی تو انہین بیروت کے جنوبی علاقے ضاحیہ کے "بہمن ہسپتال" میں داخل کیا گیا؛ روز جمعہ اندرونی سیلان خون (Internal Bleeding) سے دوچار ہوئے اور آج 75 سال کی عمر میں انتقال فرماگئے۔


source : http://abna.ir/data.asp?lang=6&Id=194399
  738
  0
  0
امتیاز شما به این مطلب ؟

latest article

      خلیج فارس کی عرب ریاستوں میں عید الاضحی منائی جارہی ہے
      پاکستان، ہندوستان، بنگلہ دیش اور بعض دیگر اسلامی ...
      پاکستان کی نئی حکومت: امیدیں اور مسائل
      ایرانی ڈاکٹروں نے کیا فلسطینی بیماروں کا مفت علاج+ ...
      حزب اللہ کا بے سر شہید پانچ سال بعد آغوش مادر میں+تصاویر
      امریکہ کے ساتھ مذاکرات کے لیے امام خمینی نے بھی منع کیا ...
      کابل میں عید الفطر کے موقع پر صدر اشرف غنی کا خطاب
      ایرانی ڈاکٹروں کی کراچی میں جگر کی کامیاب پیوندکاری
      شیطان بزرگ جتنا بھی سرمایہ خرچ کرے اس علاقے میں اپنے ...
      رہبر انقلاب اسلامی سے ایرانی حکام اور اسلامی ممالک کے ...

 
user comment