اردو
Sunday 21st of July 2019
  967
  0
  0

عشق نبی پر ہر کلمہ گو مرمٹنے کو تیار ہے

نبی کریم کی شان میں گستاخی کرنے والی ویب سائٹ فیس بک کے خلاف احتجاج کو ناکام بنانے کے لیے کراچی میں بیرونی آلہ کاروں نے قادیانیوں کو خوش کر نے کے لیے بڑے پیمانے پر ٹارگٹ کلنگ کی۔ پیپلز پارٹی کو عوامی خدمت سے کوئی دلچسپی نہیں حکومت کے لیے دہشت گردوں کو ساتھ رکھا ہے ۔الطاف حسین اور اسفند یار ولی اگر اپنے ہی لوگوں کے قاتل نہ ہوتے تو اپنے علاقوں میں رہتے۔لاشوں کی سیاست اے این پی اور ایم کیو ایم کا کاروبار بن چکا ہے۔ ان خیالات کا اظہار حالیہ ٹارگٹ کلنگ کے خلاف جماعت اسلامی ضلع غربی کے تحت جمعہ کو بنارس چوک پر احتجاجی مظاہرے سے خطاب کرتے ہوئے امیر جماعت اسلامی صوبہ سندھ اسد اللہ بھٹو،امیر جماعت اسلامی کراچی محمد حسین محنتی، امیر جماعت اسلامی ضلع غربی حمید اللہ خان ایڈووکیٹ،یونس بارائی ، محمد لئیق خان ،محمد اسحاق خان اور فرہاد گل نے کیا۔ اس موقع پر مظاہرین نے ہاتھوں میں پلے کارڈ اور بینرز اٹھا رکھے تھے جن پر دہشت گردی اور ٹارگٹ کلنگ کے خلاف مختلف نعرے درج تھے۔ اس موقع پر مظاہرین نے مطالبہ کیا کہ اے این پی اور ایم کیو ایم دونوں کو حکومت سے نکال دیا جائے۔اسد اللہ بھٹو نے کہا کہ حکومتی حلیفوں کوانسان کی قدر ہے اور نہ نبی ﷺ کے غلاموں کی یہی وجہ ہے کہ ہر طرف نبی ﷺ کے غلاموں کا خون بہہ رہا ہے ۔ انہوں نے مطالبہ کیا کہ پیپلزپارٹی کی حکومت بلا امتیاز ایم کیو ایم اور اے این پی کے قاتلوں کو گرفتار کرے ۔محمد حسین محنتی نے کہا کہ مفاد پرست سیاستدانوںنے نظریہ پاکستان اور اساس پاکستان کے خلاف پاکستانی عوام کو ٹکڑوں میں تقسیم کر دیا ہے۔لسانی سیاست تصادم کی سیاست ہے جسے ہم نہیں مانتے ۔حمید اللہ خان ایڈووکیٹ نے مطالبہ کیا کہ کراچی کو ہر قسم کے اسلحہ سے پاک کیا جائے۔ 


source : http://omidworld.org/ur/component/news/?cat=news&nid=4865
  967
  0
  0
امتیاز شما به این مطلب ؟

latest article

      خلیج فارس کی عرب ریاستوں میں عید الاضحی منائی جارہی ہے
      پاکستان، ہندوستان، بنگلہ دیش اور بعض دیگر اسلامی ...
      پاکستان کی نئی حکومت: امیدیں اور مسائل
      ایرانی ڈاکٹروں نے کیا فلسطینی بیماروں کا مفت علاج+ ...
      حزب اللہ کا بے سر شہید پانچ سال بعد آغوش مادر میں+تصاویر
      امریکہ کے ساتھ مذاکرات کے لیے امام خمینی نے بھی منع کیا ...
      کابل میں عید الفطر کے موقع پر صدر اشرف غنی کا خطاب
      ایرانی ڈاکٹروں کی کراچی میں جگر کی کامیاب پیوندکاری
      شیطان بزرگ جتنا بھی سرمایہ خرچ کرے اس علاقے میں اپنے ...
      رہبر انقلاب اسلامی سے ایرانی حکام اور اسلامی ممالک کے ...

 
user comment