Azəri
Friday 29th of March 2024
0
نفر 0

QEYBƏTƏ MANE OLMAQ

İslam dininə əsasən, çirkin və haram işlə rastlaşarkən həmin işin davamına mane olmaq hər bir müsəlmanın borcudur. Bu zərurət yalnız qeybətə aid deyil, mövzumuz qeybət olduğundan, bu zəmində də söz açmağı lazım gördük. Qeyd etmək lazımdır ki, kiminsə qeybətinin olunmasına mane olmaqla bərabər, qeybəti olunan şəxsin müdafiəsi də lazımdır. Bu məzmunda nəql olunan rəvayətlərin sayı az deyildir və biz burada onlardan bir neçəsini qeyd etməklə kifayətlənirik:

Peyğəmbəri-Əkrəm (s) buyurmuşdur:

مَنْ رَدَّ عَنْ عِرْضِ اَخيهِ بِالْغَيْبِ كانَ حَقّآ عَلَى اللهِ اَنْ يَعْتِقَهُ مِنَا لنّارِ

“Mömin qardaşının arxasınca deyilən nalayiq sözləri ondan uzaqlaşdıran şəxsi Allah-Taala cəhənnəm odundan uzaqlaşdırar.” (“Biharul-ənvar”, Əllamə Məclisi, 72-ci cild, səh.226.)

Digər bir rəvayətdə o həzrət qeybəti olunan şəxsin müdafiəsinə qalxmayanları məzəmmət edir və imam Əliyə (ə) buyurur:

يا عَلِىُّ! مَنْ اُغْتيبَ عِنْدَهُ اَخُوهُ الْمُسْلِمُ فَاسْتَطاعَ نَصْرَهُ فَلَمْ يَنْصُرْهُ خَذَلَهُ اللهُ فِي‌الدُّنْيا وَالْآخِرَة

“Ey Əli! Yanında müsəlman qardaşının qeybəti olunarkən onu müdafiə etməyə qadir olan şəxs, qardaşına kömək etməzsə, Allah-Taala onu dünya və axirətdə xar edəcəkdir.” (“Vəsailüş-şiə”, Hürr Amuli, 12-ci cild, səh.291, 16332-ci hədis.)

İmam Baqir (ə) də bu məsələyə təkidlə yanaşır, qeybəti olunan şəxsin müdafiəsinə qalxmayanın aqibəti haqda belə buyurur:

مَنْ اغْتيبَ عِنْدَهُ اَخُوهُ الْمُؤْمِنُ فَنَصَرَهُ وَ أَعانَهُ نَصَرَهُ اللهُ وَ اَعانَهُ فِى الدُّنْيا وَ الْآخِرَةِ وَ مَنْ لَمْ يَنصُرْهُ وَ لَمْ يُعِنْهُ وَ لَمْ يَدْفَعْ عَنْهُ وَ هُوَ يَقْدِرُ عَلى نُصْرَتِهِ وَ عَوْنِهِ خَفَضَهُ اللهُ فِي‌الدُّنْيا وَ الْآخِرَة

“Bir şəxsin yanında mömin qardaşının qeybəti olduğu halda, həmin şəxs qardaşını müdafiə edərsə, Allah-Taala da dünya və axirətdə ona kömək edəcəkdir. Amma o şəxs kömək edə biləcəyi halda, qeybətin davamına mane olmayaraq onu müdafiə etməzsə, Allah-Taala onu dünya və axirətdə xar edəcəkdir.” (“Vəsailüş-şiə”, Hürr Amuli, 12-ci cild, səh.291, 16333-cü hədis.)

Peyğəmbəri-Əkrəm (s) qeybətə mane olan şəxsin böyük mükafata layiq görüləcəyinə işarə edərək buyurur:

مَنْ رَدَّ عَنْ اَخيهِ غِيبَةً سَمِعَها فى مَجْلِسٍ رَدَّ اللّهُ عَنْهُ اَلْفَ بابٍ مِنَ الشَّرِّ فِى الدُّنْيا وَ الْآخِرَةِ فَاِنْ لَمْ يَرُدَّ عَنْهُ وَ اَعْجَبَهُ كانَ عَلَيْهِ كَوِزْرِ مَنِ اغْتابَ

“Allah-Taala mömin qardaşının qeybətini eşidib onu müdafiə edən şəxsdən min bəlanı uzaqlaşdırar, olunan qeybətin qarşısında susub onu rədd etməyən, hətta təəccüb hissləri keçirən insanı isə qeybət edən şəxs kimi günah sahibinə çevirər.” (“Vəsailüş-şiə”, Hürr Amuli, 12-ci cild, səh. 292, 16336-cı hədis.)

Başqa bir rəvayətdə qeyd olunur ki, bir məclisdə mömin qardaşının ardınca qeybət olunarsa və tərəf-müqabili onu müdafiə edə biləcəyi təqdirdə buna göz yumarsa, onun günahı qeybət edən şəxsin günahından yetmiş dəfə çox olar. (“Vəsailüş-şiə”, Hürr Amuli, 12-ci cild,səh. 282, 16313-ci hədis.)

Hədislərə istinadən belə qənaətə gəlirik ki, qeybət olunan zaman insan qeybəti olunan şəxsi müdafiə etməyərək susarsa, qeybət edən şəxs üçün daha da münasib şərait yaranır. Həqiqətən də, qeybətin qarşısını almamaq onu günaha təşviq etmək kimidir.

Əgər bir nəfərin qeybətini eşidən şəxs heç cür onu müdafiə edə bilməzsə, digər metodlardan istifadə etməlidir. Məsələn, sözün mövzusunu dəyişə bilər. Bu metodla da günahın qarşısını ala bilməzsə, qeybət olunan məclisi tərk etməlidir. Bu da mümkün olmazsa, ən azından qəlbində bu işə narazılığını bildirməlidir.

0
0% (نفر 0)
 
نظر شما در مورد این مطلب ؟
 
امتیاز شما به این مطلب ؟
اشتراک گذاری در شبکه های اجتماعی:

latest article

İslamofobiya fenomeninin təhlili
SEKULYARİZM
SÜFYANININ XƏBƏRI
Rəbiüs-sani ayının 8-i İmam Həsən Əskərinin (ə) təvəllüd günüdür. ...
Mübahilə` duası
QÜREYŞİN PEYĞƏMBƏRƏ (S) QARŞI MÜCADİLƏ VƏ ÇƏKİŞMƏLƏRİ
“Xəlqi-aləm səbəbi Zəhrada (s.ə) imiş” şeri
İman
Əlidir! (Şeir)
Nəfsani xəstəlikləri müalicə etmək üçün, onları tanımaq lazımdır

 
user comment