Azəri
Saturday 24th of June 2017
code: 80842
Paşayevlərin şirkəti 4 ildə 18 dəfə böyüyüb

 Xəbər Agentliyinin verdiyi xəbərə əsasən, cəmi 10 gün öncə media "Paşa Development" MMC-nin öz kapitalını 1 milyon 700 min manat artırdığını yazmışdı. İndi bu məbləğin daha 2 milyon manat çoxaldığı məlum olub.

300 milyonun 26 min 95 manatı çatmır

 

Vergilər nazirliyinin məlumat bazasında göstərilir ki, hazırda şirkətin nizamnamə kapitalı 299 milyon 973 min 905 manatdır.

2012-ci ildə yaradılarkən, təsisçi "Paşa Holdinq" MMC ona, ilkin kapital olaraq, 16 milyon manat vermişdi. Dörd il yarıma şirkətin kapitalı 18 dəfə artıb.

Şirkətdə belə sürətli boy artımının nədən qaynaqlandığını şərh etmək istəməyiblər. "Paşa Development" MMC-nin Azərbaycan və Gürcüstanda daşınmaz əmlaka yatırım etdiyi bildirilir.

"Dinamo" oteli iki ildir açılışını gözləyir

 

Kapital artımı holdinqin başqa bir törəmə müəssisəsində - "Yeni Dinamo Oteli" MMC-də baş verib. Bakıda - Daxili İşlər Nazirliyinin "Dinamo" idman mərkəzinin yerində tikilən otelin istifadəyə verilməsi ildən ilə ləngiyir.

Ötən il qonaqlarını qarşılayacağı bildirilən otelin açılışı əvvəlcə 2016-cı ilə, indi isə növbəti ilə keçirilib. 28 nömrədən, restoran və sağlamlıq obyektlərindən ibarət bu otel "Absheron Hotel Group" MMC-yə daxildir. Tikintiyə sərf olunan sərmayənin bir hissəsi – 1 milyon 255 min manatı onun kapitalına yönəldilib.

Hədəf Azərbaycandan başqa Gürcüstan və Türkiyədir

 

Bu ilin əvvəlində "Paşa Holdinq" MMC-nin icraçı direktoru Mir Camal Paşayev mediaya açıqlamasında bildirmişdi ki, qarşıdakı 2 ildə qrup Azərbaycanla yanaşı, Gürcüstan və Türkiyəyə də sərmayə ekspansiyasını davam etdirəcək.

 

Diqqət: Xəbərdən istifadə etdikdə mənbəyə istinad lazımdır

user comment
 

latest article

  Nə üçün "Vadiüs-salam" məzarlığı müqəddəsdir?
  Filippində vəhabi terrorçular məktəbə hücum etdi
  Qədr gecələrinin müştərək əməlləri
  Səudiyyə rejimi Şiələri snayperlə vurur
  Əliyevlər rejimi Doktor Mövsüm Səmədovu Şəhit etmək niyyətindədir. M.Səmədov 3 il müddətinə ...
  Qiyamət günü mütləq soruşulacaq dödr sual
  BMT Bəhreyndə qətlə yetirilən etirazçılar barədə araşdırma aparılmasını istəyir
  Bilirsinizmi ölülər kimlərə qibtə edirlər?
  Mənim ümmətimə beş imtiyaz verilib ...
  Susuzluğun “Fumaria” (şahtərə) bitkisi ilə qarşısının alınması