QARŞINIZDAKI KİTAB HAQQINDA

Böyük İslam inqilabının zəfərli qələbəsindən sonra ustad hiss edir ki, əhali gündən-günə əsl İslam mədəniyyətinə ehtiyac duyur. Başqa tərəfdən, “Qum İslam təbliğatı” idarəsində “imam Sadiq ™-ın mədrəsəsinin şagirdləri və Qum elmi hövzəsinin ruhaniləri üçün həzrət Əli (əleyhissalam)-ın “Nəhcül-bəlağə” kitabının dərslərini başlayır. Bu dərsdə mövzu, ustadın özünün istəyi ilə həzrəti Əli (əleyhissalam)-ın Malik Əştər Nəxəiyə yazmış olduğu məkubu idi. Bu dərslər “İslam təbliğatı” idarəsi tərəfindən lentə yazılaraq kiçik kitabça şəklində tələbələr arasında paylanıldı. Qərara aldım ki, ustadın dərslik kitabçalarını həm özümün, həm də başqalarının bəhrələnməsindən ötrü kitab şəkilinə salım və onu hamının istifadəsinə verim. Onu da qeyd edim ki, mən bu bəhsləri cəm etdikdə, ustadın özündən istifadə etdiyim bəyanlara arxalanaraq bu bəhslərin deyiliş və yazılışında bə`zi dəyişikliklər etmişəm. Belə ki, hamının başa düşməsi və çətin olmaması üçün sözlərin bə`zilərini dəyişmişəm. Amma əsil mətni dəyişmədən, çalışmışam ki, ağır termin və kəlmələri kitab cümləsi ilə bəyan edəm. E`tiraf edirəm ki, bu kitabın hər nə qədər cazibədarlığı və faydaları varsa, ustadım ayətullahül-üzma Fazil Lənkəraninin elm və biliyinin bərəkətindən, nöqsan və çatışmazlıqlar isə mənim elmimin az olmasından irəli gəlir.

Ayətullahül-üzma şeyx Məhəmməd Fazil Lənkəraninin şagirdlərindən: Hüseyn Kərəmi